[A:230] pa'i rkyen sbyar bar mdzad cing zhabs kyi padmo la gtugs/ rtsom pa yang / tshad ma'i dka' 'grel spyi don che chung gnyis/ /rnam rig Tig chen gnyis te rnam pa lnga/ /gong ma'i dka' 'grel 'og ma'i spyi don ched/ /phar phyin Ti ka lung snying spyo don gsum/ /rtsa 'jug Ta ka stong thun chen mo gsum/ /'dul ba'i dkar 'grel las brgya'i Ti ka dang / /so thar Ti ka gzhi gsum las chog sogs/ /bde gsang rnam bshad gser thur chos tshan sogs/ /rtsom pa'i rnam grangs brjod par mi nus so/ /de ltar mdzad pa mthar phyin te dgung lo brgyad cu pa me mo yos gro kun zla ba'i tshes lnga la gshegs so/
thugs sras bstan pa 'dzin pa ni/ de dus grwa tshang go bzhi nas 'chad nyan gnang ba'i shangs chen pa/ lcang ra ba/ rdor rgyal ba/ blo bzang sogs bgrang ba'i mi lang ba byon no/ des na shing pho byi lo 'di paN shAka pa byon pa'i sa spre nas brgya dang so bdun pa lags so/
sum stong lnga brgya dang re gcig 'das pa'i re gnyis pa sa mo bya
spyi lo 1429
la mdo khams su go rab 'byams pa bsod nams seng ge byon/ ngor dgon gsar btab pa'i lo de yin/ paN shAka pa las lo gcig gis gzhon/ lo bcu pa la byang chub sems dpa' kun dga' 'bum las rab tu byung / de nas bcu dgu bzhes pa'i bar du mkhan po de dang / go rab 'byams pa shes dpal la sogs bsten te/ gzhung lugs gsum gyis lhag pa'i bcu phrag gcig mgrin pa'i lam rgyu zhing rjen par mdzad de/ go rab 'byams pa zhes snga mo nyid nas rang byon du grags/ nyi shu pa sa pho 'brug