[A:229] snyan sgrogs pa'i snyan pas mtshams sbyar te/ sdom pa gsum la dka' gnad dpyod pa'i dri ba brgya rtsa brgyad pa mdzad/ shar lam byang ngam rings su 'dus pa'i tshogs kyi bsu ba bsnyen bkur sogs mdzad/ chos rgyal rnam rgyal grags pa la dus 'khor gyi dbang sogs gsan/ slar gser mdog can du dri lan gser gyi thur ma mdzad/ lar 'di'i dri lan gyi bstan bcos bcu phrag gcig gi sgo nas kyang bstan pa dkar por bgyis pa lags so/
yongs 'dzin bcu phrag bzhi la gsan pa rgya cher mdzad/ blo brtan bzhi pa dang de'i nye gnas blo ldan pa'i drung du ka tsan snyan ngag sogs sbyangs shing / yongs rdzogs paNDi ta chen por 'gyur/ spyir rig gnas lnga dang / khyad par sgra rig dang / nang rig gi snying po/ bka' bar mtha' dang / lugs gnyis kyi srol las byung ba'i rang stong gzhin stong gi lta ba'i gnad zab mo la 'di kho na bka' drin che ba yin/ zha lu mkhyen rab chos rjes 'od gsal gyi ngang las bstan 'dzin chen po rnams la gzigs pa stsal bas/ byams chen rab 'byams pa/ mtshan dus sgron me 'bar te phyogs bzhir po ti bkram ste gzigs rtog gnang zhing mtha' bram gzugs kyis bskor ba zhig gzigs/ paN chen 'di ni sku'i ngo bo mi snang zhing / steng gi nam mkha' la gser gyi rdo rje gzi 'od 'bar ba dang / gtor ma la me 'od 'bar ba gzigs pa de yang / lta ba zab mo mnga' ba'i mtshon byed do zhes grags so/ mnga' ris 'khor 'phral 'du khang rnying pa dang / phyis gsar pa/ mgon khang / gos sku sogs bzhengs shing / bstan pa'i sbyin bdag gtsang che hor shAkya dang / sgar pa don yod rdo rje dang / seng ge rtse ba 'phags pa rab brtan sogs kyis mthun