[A:176] las rab tu byung / mdog stod du mkhan chen kun rgyal las 'dul ba/ mus chen rgyal mtshan dpal dang / slob dpon shes rab ral gri sogs las mdo phyogs gsan/ bcu dgu pa la mkhan chen chu bzang pa dang / slob dpon 'od zer rtse mo las bsnyen par rdzogs/ bshol gyis kha bskang ba sogs nas nyi shur sleb zin pa las ma 'das/ nyan chen pa las lam 'bras sogs gsan/ g.ya' gdung rings su bsam gtan la bzhugs pa'i tshe/ sbyin bdag rnams kyis gnyag phu btab/ sbyin bdag dang gzhi bdag mched gsum dang bcas pas gnyag phu phul/ bshad sgrub kyi 'phrin las mchog tu rgyas/ mthar phag lo zla ba bcu pa'i tshes nyi shu la gshegs so/ 'di karma rang byung rdo rje las lo lngas gzhon zhing / bu ston las gcig gis bgres so/
sum stong bzhi brgya dang nyer gnyis 'das pa'i nyer gsum pa lcags pho stag
spyi lo 1290
la/ zha lu bu ston rin chen grub shab smad sgom gnas su byon/ dpang lo las lo bcu bzhis gzhon/ kun mkhyen dol bu las lo gnyis kyis bgres/ rgyal sras thogs med las lngas bgres so/ lo bdun pa la khro phu rin po che sems dpa' chen po bsod nams seng ge'i drung du sems bskyed dang brgyad pa la smin byed kyi dbang zab mo nod/ khro phu sems dpa' chen po de ni/ kha rag sgom chung pa'i bar srid gzhan don du skye ba tshol ba na/ khro los dag pa'i spyan ras kyis gzigs te/ rigs kyi sras su bskrun pa yin zer/ bco brgyad lon pa'i tshe mkhan po rin po che seng ge dpal dang slob dpon tshad ma'i skyes bu las rab tu byung / mkhas mchog tshad ma'i skyes bu/ rigs pa'i thigs pa/ bsod nams mgon po zhes mtshan gsum dang ldan pa