[A:175]dga' rgyal mtshan pa'i sras gung pa bkra shis dbang bzang po la dmar po skor gsum sogs gsan/ lo lnga bcu nas gya lnga'i bar du gzhan don kho na mdzad/
slob ma'i mchog blo bzang dkar mo/ mkhan chen g.yag mo sogs te/ gya lnga pa sbrul lo zla ba bcu gcig pa'i nyer gnyis la 'jam sa lha sdings su gshegs so/
sum stong bzhi brgya bco lnga (drug) 'das pa'i bcu drug (bdun) pa shing pho sprel
spyi lo 1284
lor karma pa rang byung rdo rje mnga' ris su byon/ lo gsum par ming yongs su grags pa'i karma pa yin zhwa nag khyer shog gsungs/ rang byung rdo rje zhes pa karma paka shi'i gsang mtshan yin zer/ mdo sde ma gzigs par skyes rabs tsam ci yin zhus pas/ karma paka shi'i dus khams kyi ra ba sgang du tshar gcig bltas gsungs/ 'dis hor tho han thi mur gyi ti shri mdzad zer bas/ spyir tho han thi mur gyis lo nyer lnga rgyal srid mdzad pa'i stod la ti shri kun rgyal gyis ti shri mdzad/ bar skabs su bla chen bsod blos mdzad/ mjug tu ti shri med pa lo brgyad byung zer ba'i tho han gyi sku tshe'i stod ti shri kun rgyal dang thog mtshungs tsam du ti shri mdzad par mngon te/ rang byung rdo rje ti shri kun rgyal las lo nyer drug gis bgres pa yin pa'i phyir ro/ gang na'ang dgung lo nga drug pa bya khra tshes bcu bzhi la rgya nag pho brang la gshegs so/
sum stong bzhi brgya dang nyer gsum 'das pa'i nyer bzhi pa lcags mo yos spyi lo 1291
la gnyag phu pa bsod nams dbang phyug mus gling skyar byon/ bcu gcig pa la mkhan po shAkya mgon dang slob dpon 'od zer rtse mo