[A:168] ti shri thob pa'i bar lo grangs brgya dang drug cu re gcig gi bar du dpal sa skya pa'i gdung rgyud rim pas/ rgya hor gyi rgyal po'i ti shri thob pa rim can du byung ba kho na yin la de yang dpal ldan sa skya panDi tas rgyal po go dan gyi spyi bor dbang gi cod pan bcings pa'i bka' drin yin mod/ ti shri'i mtshan ni ma gsol te de'i tshe rgyal po go dan rgyal srid kyi khur bor nas/ rang gi dbon po se chen rgyal po rgyal sar bton zin pa nyid kyis so/
de ltar na chos rje khu dbon gnyis kyi bka' drin las bod khams thams cad dmag khral las gsum las bton te/ lo grangs brgya lhag tsam zhig gi bar du rgyal srid chos bzhin du bde bar bskyangs pa ni/ gang la gang 'dul gyi dbang gis skal ldan gyi gdul bya la bde ba'i ngal gso chen po thob pa yin no/
deb sngon las/ dpal ldan sa skya pas lo grangs bdun cu rtsa lnga'i bar du khri skor bcu gsum bdag mdzad nas sa mo glang nas ta'i si tu byang chub rgyal mtshan gyis khri skor bcu gsum bdag mdzad pa yin no zhes bshad la/ de la nges pa'i gtan tshigs yod na sa mo glang de 'phags pa rin po che ti shri mdzad pa'i chu mo glang nas go drug 'das pa'i go bdun pa theg chen chos rje bltams pa'i lo de yin par gdon mi za mod/ ji ltar bden kho bos da dung dpyad par bya'o/
sum stong sum brgya dang go bzhi 'das pa'i go lnga pa chu pho khyi
spyi lo 1262
lo bla ma bdag nyid chen po bzang po dpal bltams/ mang mkhar khab smad du yab slob dpon ye 'byung nyer lnga'i sras yin/ bcu drug pa