[A:163]mdzad de/ nga bdun pa sbrul lo dbyug zla ba'i nyer dgu'i srod la gshegs so/
thugs kyi sras ni dbon kun dga' rdo rje dang / mkhan po sher grags so/ nam ring pa ni nyan chen pa las lo gsum gyis gzhon/
sum stong sum brgya dang re gnyis 'das pa'i re gsum pa lcags pho stag
spyi lo 1230
la grub thob u rgyan rin chen dpal ba lho nas lhums su (lung du) byon/ bcu drug pa la rgod tshang pa las dge bsnyen mdzad/ bo dong rin rtse/ bcom ldan ral gri/ go lung pa mdo sde dpal sogs la mdo phyogs gsan/ go lung pa'i gcung po yin/ bo dong rin chen rtse las bsnyen rdzogs rgod tshang pa la gdams pa gsan pas sgro 'dogs chod/ shrI rdo rje rnal 'byor mas pu ti gcig gnang ba mid pas bka' mdo rgyud la thogs pa med/ yul nyi shu rtsa bzhi'i u rgyan sogs dgu ru byon/ dgung lo go gnyis pa lcags mo bya lo zla ba brgyad pa'i tshes nyi shu la gshegs so/
slob ma'i mchog/ karma rang byung rdo rje/ grub thob tsha byung ba/ rtogs ldan g.yag mgo ba/ rtogs ldan zla seng dang bzhi'o/
rtogs ldan tsha byung bas sbu tra nas lha sar nyin re la phebs/ rgya khab brgya dus re la gsol nas ba spu'i bu gar dus gcig la 'don/ rtogs ldan zla seng sku 'da' khar bu ston rin po ches gsol ba btab ste lo gsum bzhugs zer ro/
des na da lta'i shing byi 'di/ yang dgon pa'i chu bya nas sum brgya dang gnyis pa/ nam ring ba'i shing bya nas sum brgya dang bzhi bcu pa/ u rgyan pas lcags stag nas sum brgya dang so lnga pa lags so/