[A:158] bcu bzhugs/ shing khyi la kha cher thegs/ go gcig shing bya la gshegs zer mod/ khro los mdzad pa'i bstod pa las/ gcig gis ma tshang lo brgya'i dus// bya lo sgrog zla'i dkar phyogs kyi// spen pa'i nyi mai tshes lnga la// 'gro ba'i nyi ma nub par bstan// zhes go dgu pa bya lor zhi bar gshegs par bshad pa dang cung zad 'byor kyang / thub dbang yongs 'das lo ni brgya phrag bcu// drug bcas dgu bcu rtsa gnyis mthar son tshe// shAkya'i bstan srog ngur smrig 'dzin pa'i gtsor// byon gyur drang srong de yi rnam thar bris// zhes pa dang mi 'byor te/ lung des/ pan chen lugs kyi 'das lo nas stong dang drug brgya go gnyis 'das pa'i tshe pan chen sku 'khrungs par bshad la/ thang po cher bstan rtsis mdzad pa'i me mo yos yan chad la lo stong dang bdun brgya lnga bcu 'das par pan chen rang gi bshad pa ltar yang khas blangs dgos pa las/ khyed ltar na thang po che'i me mo yos lo ni pan chen gyi brgyad du rtsa gcig pa yin pas/ pan chen 'khrungs gong yan chad kyi stong drug brgya go gnyis dang / pan chen dgung lo gya gcig po bsres pas stong bdun brgya don gsum du yang sleb 'dug pa'i phyir ro/
jo brtan (gdan) mkhan chen chos grub seng ges mdzad pa'i pan chen gyi rnam thar las/ khro los mdzad pa'i/ thub dbang yongs 'das lo ni brgya phrag bcu// drug bcas dgu bcu rtsa gnyis mthar son nas// zhes pa 'di yi ge ma dag pa yin pas/ thub dbang yongs 'das lo ni brgya phrag bcu// dgu bcas bdun cu rtsa gsum mthar son nas// zhes 'don dgos la/ de ltar na 'das lo nas lo stong dgu brgya don gsum 'das pa'i lcags pho sprel lo