[A:129]gshegs/ rngog los bcu gcig lon pa me mo lug la lo chen rin bzang mkha' spyod la bzhud/ sa chen rang gi bcu gcig pa la yab sku gshegs/ ba ri lo tsA ba rin chen grags kyi bka' drin chen pos bskyangs te/ gzim khang rnying mar 'jam dbyangs bsgrubs pas/ phyi'i bar chad sel te sgrol ma'i zhal gzigs/ nang gi bar chad sel te mi g.yo ba'i zhal gzigs te zla ba drug nas/ 'phags pa 'jam dpal gyi zhal gzigs te/ zhen pa bzhi bral la sogs pa'i phar phyin gyi gdams pa zab mo'i bka' drin stsal/ bcu gnyis pa la rong ngur smrig tu brang ti dar ma snying po la mngon pa gsan pa brang ti de ni khu ston gyi slob ma rwa khri bzang 'bar gyi slob ma ste/ rngog lo chen panDi ta 'bum phrag gsum pa la mjal ba'i 'khor dge slong sum brgya dang bcas te phebs pa na/ lo tsA ba'i 'khor dge slong re re la khong rang gi slob bu dge slong bcu gsum bcu gsum bsnyen bkur byed du btsud/ de nas lo tsA ba'i dngos slob khyung rin chen grags dang / mes lhang tsher ma la dbu tshad/ kha'u pa dar ma rgyal mtshan sku mched la gsang 'dus dang mgon po zhal gyi chos skor/ sgyi chu ba dgra lha 'bar la kyai rdor/ gung thang mal lo la bde mchog dang mgon po'i man ngag gsan/ pu rangs lo chung la bde mchog sogs gsan te/ rang lo nyi shu rtsa dgu pa lcags pho byi lo gung thang nas 'cham mgon sa skyar phyag phebs/
'cham mgon 'di ni/ mtho btsun grub rjes/ ma hA bo dhi'i sku bzhengs pa'i dus bzhengs pa yin/ de'i tshe bla ma zhang ston dgung lo re brgyad bzhes pa'i tshe/ bya lo de nas lo ngo bzhi'i bar zhang ston la gsung ngag