[A:109] kho bos 'dir dus gsal tshad mar bgyis pa ste/ 'di la lung rigs kyi gnod byed cher ma mthong ba yin no/
'on kyang 'brom gyis dbus kyi bshes gnyen rnams la jo bo spyan 'drongs zhes pa'i spring yig las/ mi yi rgyal po shAkya'i sras// lha btsun bo dhi rA dza dang // dang po dge 'dun lugs 'byin dpon// btsun chen ye shes blo gros dang // theg chen gdung rgyud ston mdzad pa'i// theg chen ka ba rnam gsum mo// dmigs byed dge bshes rnam gnyis dang // rjes slob dpal ldan bcu gnyis dang // chos 'khor khrims bzhin skyong mdzad pa'i// ring lugs chen po rnam gnyis dang // chos grwa'i slob dpon thugs rgyal can// ka ba gar ming mched gsum dang // chos grwa'i slob dpon thugs rgyal can// ka ba gar ming mched gsum dang // dge bshes che rnams dgongs skong pa'i// kun phan dbang phyug rgyal mtshan dang // gnas brtan skya'i re gnas pa// shaka gzhon rgyal ba'i sras gnyis dang // mkhas btsun chen por snyan grags pa'i// legs pa'i shes rab la sogs pa'i// 'phags pa'i dge slong dge 'dun che// zhe sogs kyi thog mar bkod pa'i/ btsun chen ye shes blo gros de/ dbus gtsang mi bcu'i zlas phye ba'i sum pa ye shes blo gros de yin no/
sum pa ye shes blo gros des/ phyi dar sa mo bya la shar ba'i tshe/ ma mtha' lo nyi shu lon dgos la/ de nas lo brgya dang drug lon pa'i tshe/ jo bo bod du phebs zhes rang gi khas blangs pas/ sum pa des lo brgya dang nyi shu lhag gcig bzhugs par khas blangs dgos pa sogs rigs pa'i gnod byed cung zhig mi 'byung ngam zhes dpyad dgos pa lags so/
'di la pan shaka pas/ srong btsan me glang la 'khrungs nas nyis brgya re brgyad pa me 'brug la khri