[A:99] sras de wa rA dza dang / na gA rA dza zhes bya ba gnyis mnga' ba'i/ yab sras gsum rab tu byung zhing / mtshan lha bla ma ye shes 'od ces grags pa des/ bstan pa rin po che gsal bar dgongs te/ mnga' ris skor gsum gyi byis pa blo rab tu gsal ba bdun/ de dag gi g.yog bdun dang / nying g.yog bdun te/ bdun gsum nyi shu rtsa gcig gam/ sdom gsum rang mchan ltar na byis pa blo gsal brgyad gsum nyi shu rtsa bzhi'am/ gang ltar na'ang / de dag bsags te/ kun snying gi chos tshol la shog ces dang / dam pa'i chos 'dul ba tshol la shog ces dang / 'dus pa rnam gnyis kyi chos tshol [la] shog ces pa'i zhal bkod rnam pa gsum dang / kha che dharma pA la dang / rin chen rdo rje spyan 'drongs nas (na) gser la ma rtseg ces rab tu gdams te bskul ba las/ lo chen rin chen bzang po dang / lo chung legs pa'i shes rab gnyis kyis 'phags yul kha che'i panDi ta dag las ji ltar bzhed pa'i zab don ci rigs par thob kyang / re ba ji lta ba bzhin ma 'khums nas gtsang stag tshal gyi lo tsA ba rgya brtson 'grus bzang po/ dpal ldan a ti sha nyid gdan 'dren du mngags kyang / re ba'i 'bras bu ma rnyed par/ chos kyi phyir du gser sgrub pa la bzhud pas phas rgol ngan pas btson rar bcings pa'i tshe/ %srong nge'i% (yongs grags su 'khor re'i) sras lha le (lde) [de'i] sras 'od lde byang chub 'od/ zhi ba 'od gsum las/ lha btsun byang chub 'od kyis/ sku'i tshad du longs pa'i gser gyis blu bar brtsam pa las/ khong rang gi sku'i 'tsho ba la re ba'i 'bras bu bor te/ pan chen 'di nyid kyi phyir du bsngos pa las/ byang chub 'od kyi bka'i khur chen dang du blangs te/