[A:97] yun ring du mdzad/ nang zhig thal ba 'bod du byon pas skas gdang gsum pa la phebs pa'i tshe bka' sde snod kyi don thugs la lam gyis byung / bla ma'i zhabs tog la yid ches te/ skye smad pa'i dge bshes 'di rnams bla ma'i zhabs tog la mi 'bad par thos pa kho nar 'bad pa 'di nor ba yin gsung skad/ po to bas tshogs pa stong re rgyun du bskyangs/ bka' gdams gzhung gi bstan pa gtso bor spel/
slob ma'i mchog nyi zla lta bu'i thugs sras gnyis/ gzhan yang thugs sras brgyad de bcu las/ dang po ni glang thang pa rdo rje seng ge dang / sha ra ba yon tan grags gnyis/ phyi ma brgyad ni/ gtsang nas ram sdings ma ba 'byung gnas rdo rje dang / snang gre las pa gnyis/ g.yor na be mon bu chung ba dang rog smra zhur ba gnyis/ mnyam nas glang bya ru ba dang / mnyos (gnyos) bra gor ba gnyis/ g.yo ru na bya 'phrang ba dang grab pa gzhon nu 'od gnyis te brgyad do/
de dag las rog smra zhur ba dang / grab pa gzhon nu 'od kyis/ pu to ba'i gsung las zin bris byas pa las/ rim bzhin be bum sngon po dang / dpe chos rin spungs zhes grags la/ grab (brag) dkar bas dpe chos 'khrugs pa sdebs shing / lce sgom shes rab rdo rje dang / gro mo che pa bdud rtsi grags kyis gsal byed kyi 'grel pa yang mdzad do/
glang thang pa shing pho rta lo pa ste pu to ba las lo bcu gcig gis gzhon/ tshogs pa stong re [bskyangs] lo bdun cu bzhugs/
sha ra ba lcags pho byi lo pa ste glang thang pa las lo bcu drug gis gzhon/