[A:37]te/ bslab par bya ba'i phyogs phra ba'i phra ba la yang byis pa nyid nas spyan gyi 'bras bu bzhin 'tsho ba zhig go /dgung lo bcu bzhes pa na byang chub sems dpa'i sdom pa nyi shu pa la sogs pa du ma dang / gsang sngags kyi sgrub pa'i thabs chen po mtsho skyes la sogs pa'i gzhung don du bcas pa mkhyen nas dgung lo bcu gcig bzhes pa'i tshe/ rang gi slob dpon rnams kyis gtso byas pa'i mkhas pa rnams kyis zhus pa'i ngor gzhung dang don du bcas pa thugs las gsungs pas/ tshogs pa thams cad ngo mtshar skyes nas blo gros chen po zhes bya bar btags zhes thos so/ /de nas dgung lo bcuu gnyis bzhes pa na/ tho rangs kyi cha la bcom ldan 'das dges pa rdo rje rgyud gsum gyi puu sti gsol ba'i mnal lam byung ba dang / de nyid kyi tshe chos thams cad kyi de kho na nyid khong du chud par gyur to/ /de'i tshe rtsa ba'i rgyud brtag pa gnyis pa gsung bar bzhed pa na bla ma sa skya pa chen po sku gshegs/ de'i 'dad la phyogs ris kyi dge ba'i bshes gnyen chen po rnams spyan drangs nas dus gsum khegs so zhes zer ba'i chos 'khor dang sbyin gtong rgya chen po mdzad pa'i dus su rang gi slob dpon du gyur pa gnyan dang zhang la sogs pa dag gis gtso byas pa'i mkhas pa rnams kyis zhu ba phul ba'i ngor brtag pa gnyis pa thugs las gsungs pas thams cad ngo mtshar skyes te 'ga' zhig gis ni sprul pa zhig yin nges kyi so so skye bo la 'di'i blo gros 'ong mi srid ces zer/ 'ga' zhig bla ma sa skya pa chen po nyid 'phags pa 'jam dpal gyi sprul pa yin pas des rgyud byin gyis brlabs pa'o zhes zer/ 'ga' zhig bla ma sa skya pa chen po des 'phags pa 'jam dpal gyi zhal gzigs pa'i byin rlabs kyi rgyun yin nges zhes zer/ mdor na so so'i skye bo rang rgyud pa la de lta bu'i rnam par thar