[A:54]dpon rin po ches mdzod bshad pa'i dus su lo brgya so drug bsnan/ de nas chu pho 'brug gi lo la cog ro shes rab 'byung gnas kyis mngon par byang chub pa'i rgyud bshad pa'i dus su lo bco lnga bsnan/ de nas shing mo yos kyi lo la ba ri chos kyi grags pas 'bum TIka bshad pa'i dus su lo nyi shu rtsa gsum bsnan/ de nas sa pho 'brug gi lo la btsun pa tshul khrims 'byung gnas kyis stod lung du spyod 'jug bshad pa'i dus su lo bcu gsum bsnan/ de nas paNNi ta dI paM ka ra shrI dznyA nas bsam yas 'on cang rdor gshegs pa'i dus su dbu tshal dga' ldan byang chub sgron gyi gtsug lag khang du brtsis pa'i dus su lo so brgyad bsnan/ de rnams dril bas lo sum stong chig brgya dgu bcu rtsa lnga lon no/
/ldai btsan gyis brtsis pa ni mthun/ mang yul nas bande chos kyi blo gros kyis brtsis pa man chad ma mthun pa gzhung snga ma btsan par byas so/ /de nas stod du mnga' bdag 'od ldai btsan gyis btsan po khri bkra shis lde phyag nas spyan drangs pa'i tshe/ stod kyi chos nyan pas ra sa 'dzim du brtsis pa na lo sum stong chig brgya dgu bcu tham pa lon no/ /de nas sa mo glang gi lo la lo tsA ba chen po blo ldan shes rab 'das te/ lcags pho stag gi lo la 'du ba chen po byas pa'i dus su brtsis pa na lo sum stong nyis brgya bzhi bcu rtsa gsum lon no/ /de nas me mo phag gi mjug la gung thang na la rtse gnas po che'i gtsug lag khang du dpal sa skya pa chen po'i sras kyi thu bo mi 'phrogs pa'i blo gros can mkhas pa chen po bsod nams rtse mo zhes bya bas chos la 'jug pa'i sgo zhes bya ba'i bstan bcos chen po mdzad de/ de'i dus su phag gi lo 'di yar bcad sangs rgyas mya ngan las 'das nas lo sum stong sum brgya tham pa lon no/ /gzhan zhig 'di bas lo gsum gyi mang bar brtsi ba ni lo'i ming mi mthun pas mgo 'khrugs pa yin pas ma dag par shes par bya'o/ /de nas gtsang la stod grom pa sa skya'i dgon par chos kyi rje rje btsun chen po bde ba can du gshegs pa'i dus su/ me pho byi ba'i lo la phyogs kyi mkhas pa rnams spyan drangs nas chos kyi 'khor lo chen po bskor/ bshad pa dang 'bel gtam gyi grwa chen po