[A:51]sum tshogs pa thams cad chos kyi rje chen po nyid las re bas rang gi lus dang srog phangs pa lan brgyar btang yang yid tshim pa med cing bka' drin mi 'khor yang re zhig bdag cag rnams kyi stobs yod tshad de tsam zhig tu bas so/ /dus de'i tshe de bzhin gshegs pa dgongs pa yongs su mya ngan las 'das nas lo du lon ce na/ 'di ltar sangs rgyas kyi bstan pa lo lnga stong gnas pa la lnga brgya pa phrag bcur 'gyur te/ lnga brgya pa dang po la dgra bcom pa thob pa mang / gnyis pa la phyir mi 'ong ba thob pa mang / gsum pa rgyun zhugs thob pa mang ste 'bras bu'i dus gsum mo/ /lnga brgya pa phrag bzhi pa la lhag mthong sgom pa mang / lnga pa la ting nge 'dzin sgom pa mang / drug pa la tshul khrims la gnas pa mang ste sgrub pa'i dus gsum mo/ /bdun pa la mngon pa la spyod pa mang / brgyad pa mdo sde/ dgu pa la 'dul ba la spyod pa mang ste lung gi dus gsum mo/ /de yan chad bstan pa yang dag pa'o/ /lnga brgya pa phrag bcu pa ni rtags tsam 'dzin pa ste/ 'di la lnga brgya tha ma'o zhes 'byung ste/ de man chad de bzhin gshegs pa 'di'i bstan pa mi 'byung ngo / /lo du lon pa ni spyir rgya gar gyi lugs la byi ba la sogs pa'i ming btags pa'i bcu gnyis skor du brtsi ba ni med/ dpal dus kyi 'khor lo nas rab tu skye ba la sogs pa drug cur brtsi ba zhig yod de thams cad la thun mong du ma grags pas/ phal che ba la grags pa rgyal po chen po de dag gis lo tshigs brtsi ste/ de yang 'di ltar rgyal po bsod nams can grags pa dang / bsod nams 'dod pa dag gis mnga' ris su gtogs so cog gi bu lon rgyal pos sbyangs nas sngar zong du spyod pa dag bor te/ zong gsar pa la rang gi ming gis btags nas spyod pa'o/ /de nas bzung ste rim gyis brtsi ba yin no/ /'di'i gtam ni lugs chen