[A:481]'byor lhur blangs pa'i tshe dgyes mdzad rdo rje lha dgu'i dkyil 'khor dang gsang 'khrid kyi nyams len gnang ba'i dus mgon po lha brgyad 'khor dregs pa brgyad dang bcas pa gsal bar gzigs/ yang nub cig mnal lam du ma jo'i rnam pa can zhig gis ri sul gyi rnal 'byor ma mjal na 'di na yod ces zer bar dgyes bzhin du bud med des lam sna byas te phebs pas dur khrod chen po bsil ba'i tshal yin rgyu ba'i shing tho re yod pa'i dbus na rdo phung zhig gi gseb tu gnam sgo 'dug pa phye ste 'di na yod zer ba gzigs pas zhal bram gzugs dkar po ral pa'i thor tshugs can ras dkar po gyon pa phyed krung du bzhugs pa phyag g.yas na thod khrag dang g.yon na mi rkang gi gling bu dang shing gi bum pa 'dzin pa/ 'od zer du ma 'phro ba zhig gzigs/ de nas kyang 'bral med lta bur dngos su yang yang 'byon zhing las thams cad bsgrubs par mchis/ gdan sa chen po dpal ldan sa skyar phebs nas rten brten pa thams cad zhib mor mjal ba gnang zhing khyad par mgon po dngos su gzigs/ dge 'phel du rten bzhengs kyi tshe sku 'bag gi zhal rdul 'phyi ba mdzad pas pu tras dngos su 'ongs te 'phyi lugs 'di bzhin byed dgos zhus/ dgung lo nyi shu rtsa bzhi tsam la babs pa'i tshe gdan sa 'og nas bdag chen rin po che ngag gi dbang phyug gi zhabs phyi mdzad nas dbus phyogs su phebs/ gsung ngag lam 'bras/ gshed dmar gyi dbang byin rlabs spros med kyi 'khrid/ rdo rje 'phreng ba'i dbang sogs bka' chos mang du gsan/ gal