[A:479]mtheb kor gyi rgya tsam zhig byung ba de zhal du lhag ma ma lus par gsol bas brgyud pa zin pa'i rten 'brel 'grig /mchod 'bul dang dgongs rdzogs kyi rim pa rgya cher spel ba'i khur bzhes mdzad/ nyin gcig sprin dkar gyi phung po'i gseb na seng ge gnyis kyis bteg pa'i rin po che'i khri'i steng na rdo ring rin po che sku'i dbyibs dang cha byad ji lta ba bzhin gsal bar gzigs te dbugs dbyung gzengs bstod byin rlabs mdzad/ tshar chen nyid kyis mdzad pa'i gsol 'debs las/ slar yang 'od gsal ngang las sku bzhengs te/ /seng ge'i khri la zhabs sen padma bkod/ /'dzum zhal bdud rtsi'i rgyun gyis skal ldan gyi/ /snying gi gdung ba bsal la gsol ba 'debs/ /zhes so/ /de'i tshe rje btsun rdo rje rnal 'byor ma mngon sum du zhal bstan pa'i ngo mtshar gyi snang ba ci yang shar zhing / rdo ring rin po cher byin rlabs gsan pa'i dus bar snang gi sprin gseb nas rje btsun ma'i sku gzigs par brten chos rje la mkha' spyod ma'i byin rlabs byas res kyis rtags khyad par can re yong gi 'dug gsung ba'ang 'di rigs la dgongs so/ /dbyangs can bzhad pa'i sgrib bral mkhyen mtsho'i nang / /mchog sred sprul pa'i gar dang las smon gyis/ /'brel ba'i gzugs brnyan shar nas lung ston pa/ /rnam gsum dam pa'i yon tan dngom pa bzhin/ /mi bzad dug gi rlangs 'khrigs sa bdag gdon/ /srog rtsa drag sngags ma gi tas bcad dang / /lhan cig chos srung rwa rtses klu gnyan byad/ /nyer bkrol