[A:471]bshad pa dang nyams len gang byed kyang 'di las lhag pa med snyam pa nges par skye zhing rnam dpyod dang bsod nams rab tu gyur pa rnams la gdams pa thos tsam nas bla ma la sangs rgyas dngos kyi mos gus skye/ rdo rje 'chang nas rtsa ba'i bla ma'i bar du ye shes kyi gzi 'od rab tu 'bar ba'i byin rlabs kyi brgyud pa ma nyams pas slob mas nyams su blangs tsam nyid nas mtshan rtog gi dri ma bral ba'i phyag rgya chen po'i ye shes myur du 'char la/ dam chos kun gdul bya'i blo khrid las/ /phyogs 'dzin gyi grub mtha' skyong ma myong / zhes gdul bya mos pa sna tshogs pa rjes su 'dzin pa la chos mang du nyan pa las rang nyid nyams su len rgyu 'di rang gis chog snyam chos dang bla ma gzhan la 'gram chu mi ldang ba zhig yod pas/ lam glur/ rje rdo ring pa dang mjal nas bla ma dang chos gzhan la brten nas sangs rgyas sgrub bsam pa med gsung ba'ang don 'di la dgongs par snang / lam 'bras tshogs bshad tshar gnyis/ lam 'bras dang 'brel ba'i byin rlabs mang ba/ gzhan yang lam skor phyi ma brgyad/ /bsam mi khyab dang mchod rten drung thob kyi byin rlabs/ gser chos bcu gsum gyi nang nas mchog bsgrubs pas thun mong zhar la 'byung ba/ mkha' spyod skor gsum gyi byin rlabs/ rje btsun yab dang thun mong dang thun mong ma yin pa'i nyams 'khrid yar klungs pa nas brgyud pa/ chos skor gyi lung / thun mong bsgrubs pas mchog zhar la 'byung ba rig byed ma/ bgegs kyi rgyal po/ 'dod