[A:446]byung bas kun gyis byang chub sems dpa'i dpon chen du grags shing / gong nas rting la phebs rjes la sras blo gros rgyal mtshan pa byung ba/ gcen dpon grags rgyal ba dang dgung lo bcu bdun bco brgyad kyi khyad yod pas na grags rgyal ba'i sras yin par byed pa'ang yod la/ khong rnam gnyis kyi bar du dbon po hor tshas dpon thog tu lo gcig gnyis bzhugs zer ba'ang gleng / dpon chen rgyal ba bzang po pas khrims las kyi bya ba dpon chen dbang brtson la 'phrod pa'i skabs su lha rtse'i gzims khang lho mar bde bar gshegs so/ /pur bzhu dus thugs thugs thag dang bcas te byon pa de gzims khang gung ldebs ris la chos rgyal 'phags pa'i sku 'dra bzhugs pa de'i thugs kar thim pa kun gyi mthun du grub bo/ /phyi skor gyi dpon chen la 'di nyid bla ma la gus shing khrims gnyis kyi bya ba mkhas par byed do/ /dpon chen pa'i sras po grags pa rgyal mtshan pa snga sor sa skya nang chen bzung rting la dpon chen gyi ming thob shangs mthong smon bzung ba'i skabs der sku gshegs so/ /gcung po dpon po hor tsha'i sras sna dkar ba dpon kun dga' rgyal po brgyud chad/ blo gros rgyal mtshan pas si tu'i ming dang las ka thob/ dpon chen pas dbon po 'di dang mthong smon sbrags nas ta'i si tu byang chub rgyal mtshan la sprad/ gtsang phyogs kyi sde pa dar lcogs dkar po 'dzugs pa'i sngon ma byas zer ba'ang 'dug /'di'i ring la mthong smon spel chen bzhengs/ sgo spe zur cog rnams kyi kha sgron 'obs lcags chung ba bzos so/ /de'i sras bzhi'i che ba du dben