[A:614]thor/ mi rkang 'di lan gsum bus gsung pa bzhin byas pas dgun stod yin kyang glog 'brug gi sgra drag po dang bcas ser ba cog mo'i sgo nga tsam babs pas dmag rnams skad cig la byer/ sgar thog tu srin bya dang 'ug pa babs pa'i 'khrul gyis nad rims kyis btab nas stong log tu song ste g.yul las rnam par rgyal/ de dus gzigs snang la mdun gyi nam mkha' sprin sngon 'khrigs pa'i steng du rje btsun rdo ring pa de nyid sku la chos gos rnam pa gsum gyis brgyan pa'i phyag g.yas gser gyi rdo rje nam mkha' la 'phyar zhing / g.yon pa dngul dkar gyi dril bu 'khrol ba yid tsam khros pa'i nyams dang bcas seng ge dkar mo rgyan gyis spras pa'i steng na rgyal po rol pa'i 'dug stangs kyis bzhugs pa/ de'i dbu gtsug gi thad du bdag chen rdo rje 'chang yan gyi gsung ngag bla ma brgyud pa yongs rdzogs/ de'i g.yas g.yon du sa ra ha/ klu sgrub/ rnal 'byor dbang phyug /ku ku ri pa/ lo hi pa/ g.yung po khrag 'thung / dril bu pa/ nA ro ta pa brgyad po zhi drag gi rnam 'gyur du ma ston pa/ gzhan yang tshe dpag med/ dzambha la/ gur zhal/ las mkhan dang bcas pa zhal gzigs/ de'i tshe/ dpal ldan rgyal ba kun gyi mthu stobs ni/ /gcig tu bsdus pa drin can chos kyi rje/ /khyod zhabs dran pa'i mod la bdud dpung rnams/ /phye mar 'thag mdzad de la gsol ba 'debs/ /zhes sogs gsol 'debs bdud dpung phyer 'thag mar grags pa zhal gzigs ji ltar byung ba dang mthun pa thugs rtsom gnas/ gsung 'phros kyi lhongs su bdag chen kun dga' rin chen 'di ma byon na sa skya pa'i bstan pa 'di grum tse gung med 'dra ba'i mtha' yod kyang