[A:605]thams cad mkhyen pas zur bzhugs gnang phyin chos rje gnas gsar ba las 'os pa gzhan med do zhes mgrin gcig dbyangs gcig tu glengs te/ sde srid rin chen spungs pa la snyan 'bul phul ba la'ang shin tu legs pa'i dgongs bstad bzang po'i bde khrol dang / gtso bor rje nyid kyi thugs rje'i gzigs pa lhod pa med pa sogs rgyu rkyen rnams 'dzom par brten zha lu spyi sos mkhan po'i snyan gsan phul bar/ rje bla ma'i dgongs bstad dang bcas bzlog ma bde bar lo gcig gi zhal len gnang ba na rje nyid kyis ngas lo gsum khyed kyis lo gcig mdzad na sde dgon tshos phyag rten kyang mi 'byor bas gsum nges par mdzod/ de nas mdzad bde mi bde'i babs la gzigs chog /dgon spag sbug gzhan gyi bla ma'i dod min chos 'jig rten ga nas kyang rnam gzhag rgya chen po'i sleb thebs yod tshul phebs pa ltar chu stod zla ba'i tshes gcig rgyal phur gyi 'grub sbyor dus ma pham mgon po rin chen grub kyi gdan sar bsko ba gnang bar/ sde srid rin spungs pa'i bsko 'ja' khri ston zha lu'i chen slob dge 'dun yon bdag gzhan yang phyogs kyi sde phran gyis mtshon pa'i bdog pa rgya chen po spel/ khyad par mkhan chen thams cad mkhyen pas ber zlam dbu zhwa sogs kyi gnang sbyin/ dpon slob tshang mar 'phral yun du dge ba'i bslab bya/ bkra shis me tog gi char chen po phab/ chos rje gdan sa bas dpal dus kyi 'khor lo'i dbang cha gnyis dang sbyor drug gi 'khrid cig mdzad/ yab sras lhan rgyas sde pa gnas gsar bas myug tu bro bzhas rtsed sna bsu ba ser sbreng gi bkod