[A:544]de nas pa rnam rdzong gi gzhung du phyin/ /'khor rnams gtor tshogs med pa'i rnga gshang gi /sgra dbyangs snyeg pa'i bya rog bzhin du 'gyod/ /kho bo pho tshod che ba'i khrom thog chod/ /phyin chad phyogs 'dir 'ongs pa'i rnal 'byor rnams/ /'di 'dra'i rigs la rim pa ltar 'dzem mdzod/ /zer ba'i rgyang glu len zhing bsam sdings kyi/ /ri la 'dzegs pas lugs gnyis 'dod pa tshim/ /yang smras pa/ nyang stod kyi a mo 'dol chung na/ /tsha mo zhig yod pas nan gyis bos/ /rngan chen dang gzhis len bsres se ba/ /khram dus kyi kha rgyan bcas pa byung / /gter sbyin 'dra yod snyam yod tshod gda'/ /nga rgyal khams kyi longs spyod char ltar babs/ /chos ldan gyi 'gro sa tshags las mang / /dpon ngan gyi khral 'bab yong don med/ /tshom po la snum bskus ma re mdzod/ /ces gsungs/ gsol 'debs las/ bsam sdings grub pa'i gnas sogs rim brgyud de/ /yul ljongs rnams su dad ldan bkur stis mchod/ /shambhar gnas su 'dren mchog bla ma la/ /bstan srung rjes gnang gsan la gsol ba 'debs/ /dus der ye shes chen po gzigs snang du/ /zhun chen dud sprin me rlung 'tshub pa'i dbus/ /'jigs rung stag smyon zhon pa'i mon pa che/ /'khor bcas gsal bar shar la gsol ba 'debs pa/ /zhes lam yig las/ de nas bod kyi lha btsan po'i gdung brgyud dri ma med pa skya bo byang chub sems dpa'i mdzad pa lhur len pa/ 'brong rtse nas khri nam mkha' bsod nams kyi drung bzhugs pa'i gzhis ka rnam sras mthong smon dang khad nye ba zhig