[A:541]'dzin pa la/ /khong 'gran zla bral ba'i zha lu pa/ /bod chos sde'i tsho'i srog shing dam pa lags/ /zhes gsung pa bstan pa phyi dar gyi lo tsA ba brgya phrag tu longs pa byung na'ang rgya mtsho mtha'i skad shes pa kho bo las ma byung zhes bsnyems pa'i tshul 'dzin pa 'jig rten gyi mig gcig pu gnyan lo tsA ba dar ma grags kyis rgya gar nas gdan drangs pa'i rje btsun sgrol ma 'gangs can de mjal ba gnang ba'i mnal lam du bud med gzhon nu gos sngon po gyon pa zhig byung nas 'di gnyan lo sbrul gyi 'jigs pa las bskyabs pa'i paNDi ta sangs rgyas gsang ba'i thugs dam gyi lha de yin zer ba sad tshe rje btsun ma sgrol ma dngos su mos pa'i thugs dad 'khrungs/ rting res snar thang byang chen du phebs skabs dkon gnyer gyis mgon po zhal shing gi mchod rten 'di la gnas pa yin zer de nub der gzims pas A tsarYa zhig byung nas me 'bar gyi gtsug lag khang bzhi'i ngos 'dzin dang bcas pa smra zhing khyed rang gi gnas khyed rang gis ngo los shes zer dga' ba'i rnam 'gyur sna tshogs ston pa byung ba zhal gyi rnam 'phrul yin gsung / lcags stod kyi lo rgyus ni lta ba 'khor 'das dbyer med du gzigs pa'i rnal 'byor pa bzang ngan gnyis 'dzin gyi mtha' las 'das pa gnyen sred ci la mnga' na'ang / rang cag snyigs mar spyod pa'i dge sbyong sa'i snying po 'khor lo bcu pa'i mdo nas bshad pa'i tha ma'i rigs rnams la bag yod byed dgos zhes gdams par snang / /lcags sgog lung pa bkra shis dpal 'byor de skabs grags chung yang ku su lu'i mkhas grub chen por dgongs te chos 'brel gsan cing