[A:536]spyod byas pas grwa pa rnams byon byung nas/ /'di pa cha lugs sogs rtogs ldan du mi 'dug /gra mthun la skying mdog rnam pa sgo yangs pa zhig 'dug pas/ sde pa zil gnon pa lta bu zhig brdzus pa yin nam zer/ gcig na re nga dang zhal 'dris yod/ sde pa zil gnon pa yin thag chod 'dug zer bas/ phal cher de la yid ches song / su yin zer ba la/ nga ci med kyi sprang po yin pa blo bde bya ba yin no ang byas pas/ khyod rang su yin kyang nyams dga' la snang ba bde ba zhig 'dug zer ro/ /thag khra sbrul du 'khrul pa'i snang ngo na/ /'jigs skrag 'bros la thug pa don byed nus/ /yid ches mos gus ldan pa'i gang zag la/ /khyi so ring bsrel phung por song ngo skad/ /ming tsam brda tsam btags pa kho na la'ang / /rang rang ngo bos grub pa rdul tsam med/ /ci med cir yang 'char ba'i ngo mtshar can/ /rten 'brel zab mo'i rang mtshang de ru rig /skye bos bzhi mdor smra ba'i khungs med gtam/ /gang zer bden par 'dzin pa'i blo chung tshos/ /gzhi med ri bong cal gyi sgra dbyangs kyis/ /rang gzhan mang po'i rang mtshang ston nyen gda'/ /zhes byung / gsol 'debs las/ chu mig nang gi rten mchog mtha' dag mjal/ /zab lam rdo rje'i pho brang e waM du/ /skal bzang rang rang blo dang 'tsham pa yi/ /chos kyi dga' ston spel la gsol ba 'debs/ /zha lu gser bkang chos grwa chen po ru/ /bstan srung lha mo'i rnam sprul bud med gzigs/ /mtshan nyid kun ldan yongs 'dzin ku sA lis/ /dbang dang rjes gnang stsal la gsol ba 'debs/ /zhes