[A:528]po 'khrul zhig ratna bha dra bzhugs pa'i drung du mjal/ de nub tshogs kyi 'khor lo dang bcas pa'i sgo nas bcom ldan 'das padma dbang chen yang gsang khros pa khrag 'thung lha dgu'i dbang / de'i tshe dbang / bka' sdod ging lnga gza' gdong gi srog dbang bka' gtad dang bcas pa zhus/ sang 'gro khar nged dpon slob thams cad kyis lhan cig tu slob dpon chen po padma 'byung gnas kyi sgo nas bla ma'i rnal 'byor zhus/ de'i tshe rje bla ma 'khrul zhig gi spyod pas hU~M ring hU~M thung gi gdangs dbyangs gar stabs nged kyi grwa pa rnams la bka' bkyon dang thugs 'dogs spel ba'i hur spyod mang po mdzad kyi 'dug pas khong tsho thams cad dad pa skyes/ 'jig rten chos brgyad med pa'i bla ma zer na 'di 'dra zhig 'ong ba yin zer zhing gda'/ bla lung ri bo'i spo la 'khrul zhig rje/ /kun bzang dgongs pa'i bcud kyis myos pa des/ /gar dgu'i rol rtsed hU~M sgra sgrog pa'i tshe/ /skal ldan snying la 'dod 'jo'i bka' drin sbyin/ /zhes grub pa'i dbang phyug 'dar phya ru pa rin chen bzang pos byin gyis brlabs pa'i mgon khang brag ram du gnod sbyin chen pos zhal dngos su bstan par bka' bsgo dam bzhag mdzad pa'i tshan du 'dug /dam pa 'di nyid kyi yongs 'dzin rnams kyi nang nas drang srong bka' bzhi pa 'khrul zhig dkon cog bzang po 'di nyid bka' drin che ba'i bla ma gcig tu mdzad cing / yang gsang khros pa'i rnal 'byor mthar phyin pas gnod sbyin beg tse dang ging lnga gza' gdong bran du 'khol/ rig 'dzin chen po rgod kyi ldem phru can gyi zab gter lhun grub dgongs pa zang thal la brten nas