[A:526]la/ khyad par rje btsun sa skya pa'i gser chos rig byed ma'i chos skor na char dbab pa'i man ngag ches zab pa dngos su phyag len ma mdzad na'ang / rje btsun bcom ldan 'das mas rjes su bzung ba'i byin rlabs kyi mthu dang nges pa'i don du rlung sems la dbang 'byor pa'i grub pa'i dbang phyug chen po rnams phyi nang rdo rje'i lus la gnad du bsnun pas/ /ji ltar phyi rol de bzhin nang / zhes pa ltar nang gi ting nge 'dzin gyis phyi rol gyi chos rnams bsgyur du btub pa'i gnad gsang chen por mngon/ lam yig las/ sang nyin snga bar chas nas lcags la zhes bya'i la brgal nas rim par brgyud/ lcags thang gi mda' phyug po shar ba zer ba'i khyim bdag dad pa can zhig gi lcang ra klu sdings zhig 'dug par bsdad/ der zla ba yar ngo'i tshes bco lnga rje bla ma'i tshes mchod kyi skabs su bab byung bas/ bla ma mchod chog rgyas par byas sbyin bdag des kyang bsnyen bkur 'bul ba sogs yang dag byung / sang tsha ba'i steng du bla ma zhang dgon pa ba'i sgrub gnas/ rje btsun sa skya pa chen po'i gsung ngag rin po che gsan pa'i yul sag thang ding zhes bya bar sleb/ de'i gtsug lag khang mchod rten chos khri dang bcas pa mjal/ phyag mchod smon lam gsol gdab byas te/ dpal jo mo nang gi ri khrod chen por sleb/ de'i nub sku 'bum thang du lcog gra byas bsdad pas/ der gnas mjal la 'ongs ba'i phyogs kyi skya ser pho mo mang po 'dug pa rnams kyis/ nged dpon slob la ston mo dag snang skor ba chos 'brel zhu ba sogs mang po byung / sang snga dro sku 'bum mthong grol chen mo/ sbyor drug brgyud pa'i lha khang