[A:512]las nyon sgrib pa kun byang nas/ /rdo rje 'chang dbang myur 'grub shog /ces smon lam 'debs pa gnang zhing sa phyogs gang du phebs pa'am bzhugs kyang rung 'byung po mi ma yin mthu bo che mtha' dag srog snying mdong gsol du phul nas bka' bzhin bsgrub/ dgon pa shar sbug tu ngag dbang lha mo dbyangs can ma'i ljags bsnyen mdzad pa'i tshe me tog dkar po'i char 'bab pa dang nye skor du brdung mkhan med kyang pi wang gi sgra snyan po gsan zhing mthar zhal mngon sum du bstan nas lung bstan kyang thob/ spyir rig pa'i gnas lnga dang bye brag snyan ngag la thogs pa med pa'i rnam dpyod ni slob dpon bsten nas yun du sbyangs kyang skam skam khrig chags shig las yod dka' bar thugs rtsom gang mdzad snyan ngag tu 'gro ba'i blo gros kyi spobs pa nang nas rdol bar mngon/ thub bstan dge 'phel du bzhugs pa'i dus rdo rje 'chang kun spangs chos rje'i rnam thar thugs rtsom gnang ba'i sbyar byang du spyir dam pa 'di'i rnam thar mtha' dag ni so so skye bo'i spyod yul ma yin par gong du brjod pa dag gis 'grub pa dang khyad par rje nyid zhal bzhugs dus gsol ba btab pa'i gsung las kyang grub thob thang stong rgyal po dang nged dpon slob kyi rnam thar su byung gi blo yul du shong ba med gsung pas bdag lta bu blo gros chung zhing sbyangs pa zhan la brjed nges pas ji lta ba bzhin brjod nus pa'i spobs pa ma mchis shing / zhal slob mkhas pa dang grub pa'i dbang phyug du ma bzhugs pa rnams kyis mdzad pa 'os su 'dug pas mdzad grub pa zhig