[A:156]blo yis ci zhig brjod/ /'on kyang ji ltar padma'i 'byung gnas kyi/ /rin cen mtha' dag len par ma nus kyang / /cha shas blangs pas 'dod dgu sbyin pa ltar/ /cung zad brjod 'di'ang don dang bcas pa nyid/ /gang gis 'di la skal bzang dad pa'i spu long g.yo zhing 'dzum dkar zla ba ci yang ston/ /mkhas rlom ljon pa'i sdong gi yal 'dab sa la dud cing yid ni rmongs pa'i 'bras bu lci/ /skal ngan phrag dog tsher ma'i mal na smre sngags 'bod cing rang gi de nyid ma lus ngom/ /dpyod ldan gzur gnas snyan grags gdugs dkar bsil yab gsar pas khor yug ri bo'i khyon kun 'gengs/ /de dag mkhas pa'i dga' ston lhur len pa/ /snyan ngag lang tsho'i rgyan du bos pa bzhin/ /nyin byed 'od kyi chu skyes bzhad pa dang / /mtshan mo rgyu ba mun par byas pa snyam/ /blo gsal dbang po kha ba'i sman ljongs na/ /yongs 'dzin dam pa'i yon tan rjes dran nas/ /lag pa'i 'dab phreng gtsug na thal sbyar te/ /rtogs brjod mgrin pa'i rgyud mangs 'di bsgrags so/ /blun rmongs grong pa'i 'gal dum tshig phreng gis/ /dam pa yon tan brjod par ci zhig 'os/ /sdeb legs rnam thar rmad byung ngo mtshar gtam/ /skal bzang rna ba'i bcud len sbyin gyis long / /de la 'dir dus gsum gyi rgyal ba ma lus pa'i mkhyen brtse gcig tu bsdus pa'i ngo bo/ /lnga brgya pa rnams kyi gtsug gi nor bu/ gangs can gyi mkhas pa yongs kyis zur phud la zhabs kyi padma lan brgyar ngal gso ba'i paNDi ta chen po/ rtogs pas rang rgyud