[A:197] nam mkha'i dbyings su 'ja' gur gyi nang na spyan ras gzigs gtso 'khor gsum pa sku khru gang tsam yod pa zhig zhal gzigs/ dus rgyun par ched du bstad nas gsan pa na bar snang du yi ge drug pa'i sgra mi bcu tsam gyis bton pa'i sgra tsam lhang nge ba rgyun du byung gsung / de ltar 'phags pa nyid kyis mngon sum du rjes su bzung bar snang bas 'di las thugs rje myur ba'i yi dam ye med do gsung zhing / slob ma dag la'ang spyan ras gzigs kyi chos skor rnams cis kyang nyon gsung brda bstod mdzad cing / skye bo'i tshogs ji snyed pa la thugs rje chen po'i rig gtad/ smyung gnas/ yig drug gi lung 'chag med dam bca' sogs lhug par gnang zhing / zhus pa la'ang dgyes tshor gyi rnam pa mdzad pa yin no/ /dbus phyogs su bzhugs pa'i dus shig mnal lam du/ thang chen po zhig gi dkyil ri sbo ngo ha cang mi che ba zhig gi 'gram du rje btsun rin po che grags pa rgyal mtshan da lta bris pa'i rnam pa ji lta ba yod pa zhig dang mjal phyag phul byin rlabs zhus pas/ rje sa chen kyang phebs kyin yod gsung / der yar byon pas rje btsun sa skya pa chen po'ang rnam pa ji lta ba dang mjal/ slob dpon rin po che bsod nams rtse mo ri de'i rtse na bzhugs pas mjal dgos snyam pa zhig gi ngang du mnal sad gsung / 'di lta bu ni dus phyis rje btsun sa skya pa'i thun mong ma yin pa'i snyan brgyud rgya mtsho la mnga' dbang 'byor nas skal ldan mang po rjes su 'dzin pa'i mtshan ltas shin tu gsal bar snang ngo / /sku chos mdzad 'phral gra skor ri khrod zhig tu khams pa nye gnas zhig dang lhan