[A:183]mnga' bdag mkhas grub chen po don yod dpal ba/ rgyal ba'i bstan pa rab 'byams la mkhyen pa'i spyan yangs pa'i paNDi ta shAkya mchog ldan dri med legs pa'i blo gros/ mdo sngags bstan pa'i mnga' bdag kun mkhyen go bo rab 'byams pa bsod nams seng ge /zab don du ma'i gter mdzod drin can bsod nams dbang phyug pa/ rdo rje theg pa'i rgyud gzhung mtha' dag la gzhan dring mi 'jog pa'i srad pa kun dga' blo gros pa dang / ya ma lag pa ye shes rgyal mtshan pa ste mkhas pa rnam gnyis su grags pa/ rdo rje 'chang chen po'i gdan khri la bzhugs pa yongs 'dzin dkon cog 'phel/ 'jam dbyangs sangs rgyas rin cen pa ste rnam pa gnyis/ ya ma bde ldan ri khrod kyi gdan sa la bzhugs nas bde kye'i snyan brgyud smra ba chos rje nam mkha' dpal bzang pa/ mkhas pa'i dbang po rkyang 'dur rab 'byams pa dkon cog tshul khrims pa la sogs pa ngor lugs kyi brgyud 'dzin dam pa de dag dang / rje btsun 'jam dpal dbyangs kyi gdung brgyud dri ma med pa mthu stobs kyi dbang phyug bdag chen zhwa lu ba bsod nams rgyal mtshan dpal bzang po'i zhal snga nas dang / bdag chen chu mig pa rje btsun blo gros dbang phyug pa/ 'jam dbyangs kun dga' bsod nams grags pa rgyal mtshan dpal bzang po/ 'jam dbyangs ngag gi dbang phyug grags pa rgyal mtshan dpal bzang po ste/ gdung brgyud zhal ngo rnam pa bzhi/ gzhan yang mkhas shing grub pa'i bdag nyid rong ri lung sbug pa rgyal ba thugs rje dgung lo brgya dang drug bzhes pa/ gtsang