[A:448]gegs sel la sogs pa'i skor rnams dang / ni gu chos drug gi khrid la sogs pa'i skor rnams dang / gsang 'dus mi bskyod pa'i dbang 'gos nas brgyud pa/ gsang 'dus lus dkyil kyi dbang / rdzogs rim zab mo/ gsang 'dus rim lnga dmar khrid dbang gong ma dang bcas pa/ man ngag nag khrid du grags pa rnams gsan no/ /de ltar gsung ngag la sogs pa de rnams kyi man ngag gi rnam grangs rnams ni mtha' yas pas/ 'dir yi ge mangs bas 'jigs nas ma bris pas gsan yig tu shes par bya'o/ /gzhan yang dbu ma lugs kyi sems bskyed kyi cho ga /sems tsam lugs kyi sems bskyed kyi cho ga /thugs rje chen po'i smyung gnas/ rgyal sras sems dpa' chen po'i bka' 'bum thor bu ba'i lung / gshed dmar lha bcu gsum ma/ sgrol ma lus dkyil/ bde mchog dril bu rnams kyi dbang / na ro mkha' spyod kyi byin rlabs/ phag mo zhal gnyis ma/ don grub ma/ dbu bcad ma gsum gyi byin rlabs/ gur mgon lcam dral gyi rjes gnang thun mong ba/ gur mgon lha brgyad kyi rjes gnang thun mong ma yin pa/ gdong bzhi pa'i rjes gnang / gzhan yang tshe dpag med kyi tshe sgrub la sogs pa gsan no/ /de ltar gdams ngag ma lus pa bum pa gang byo'i tshul du gnang tshar ba dang / chos rje buddha ba'i gsung gis/ nged la chos rje dpal ldan tshul khrims pas gnang ba'i gdams ngag 'di rnams khyed la rdzogs par 'phrod na snyam pa de dang 'phrod pas sems bde zhes gsungs nas thugs bzhed legs par grub par mdzad pa yin no/ /gzhan yang bdag po bla ma chen po kun dga' rgyal mtshan pa'i drung du/ kye rdo rje Dombi lugs/ sgrol ma bcu bdun ma'i dbang / chos rje dpal ldan bla ma dam pas mdzad pa'i dus 'khor TIka chen gyi lung / sa skya pa'i dge bshes mang po la mdzad pa las/ phal che bas rdzogs pa gsan pa ma byung / chos rje rin po che 'di nyid ni sku na gzhon nu nas don gnyer dang thugs