[A:411]thams cad la bu gcig pa lta bu'i byams pa dang snying rje byang chub kyi sems brtan pos gzhan gyi nad dang sdug bsngal cung zad len nus pa la sogs pa bdag gzhan brje ba dang / gzhan rgyud smin cing grol bar mdzad pa la rang gces par 'dzin pa dor nas gang gis 'dul ba'i thabs la mkhas pa'i sgo nas rgyud sde so so'i dbang bka' dang / rgyud sde so so'i bshad pa dang / so so'i lag len dang / rjes gnang dang / rgyud 'bum la sogs pa'i lung bsam gyis mi khyab pa dang / gsung ngag rin po che lam 'bras bu dang bcas pa dang / sbyor ba yan lag drug pa la sogs pa man ngag du ma'i sgo nas gdul bya mtha' yas pa smin grol gyi lam la bkod de/ chos rje ye shes rgyal mtshan pa la sogs pa mang po dang bstan pa 'dzin pa'i dge ba'i bshes gnyen mtha' yas pa bskrun par mdzad cing byang phyogs su yang bdag po 'jam dbyangs nam mkha' rin chen gyis gdan 'dren zhus te/ dgon gzhis phul nas yun ring du bzhugs te/ chos kyi 'khor lo chen po rgyun mi 'chad par bskor nas gdul bya mtha' yas pa'i don mdzad cing grub chen buddha shrI la sogs pa'i dge ba'i bshes gnyen grangs med pa bskrun cing / gsung ngag rin po che lam 'bras bu dang bcas pa'i bstan pa la shin tu nas kyang sku drin che bar mdzad pa yin no/ /mdor na dgung lo bcu gcig pa nas bzung ste/ drug cu rtsa bdun bzhes pa'i bar du nyin zhag phrugs gcig gi bya ba la chos gsung ba dang / thugs dam mdzad pa la sogs pas dus 'da' ba ma gtogs/ dus don med du skad cig kyang 'da' ba mi srid do zhes gsungs so/ /rtsom pa yang / zhang dkon mchog dpal gyi rnam thar/ chos rje bla ma dam pa'i rnam thar/ chos rje ri khrod pa'i rnam thar/ lam 'bras brgyud pa'i gsol 'debs/ 'phrin las so gnyis kyi sdom tshig /sbas bshad 'khrul 'khor so gnyis kyi yi ge /sde snod gsum gyi dbye ba nyi ma'i 'od zer rgyas pa/ gzungs