[A:211]bsgyur cing zhus te gtan la phab pa/ de'i bshad rgyud rdo rje ri rab chen po rtse mo'i khang pa rtsegs pa'i gzungs/ paNDi ta shrI lendra boddhi dang / dznyA na siddhi dang / lo tsA ba bandhe ye shes sde'i 'gyur/ gsum pa rigs kyi yum ni/ rdo rje mi pham pa me ltar rab tu rmongs byed ces bya ba'i gzungs/ paNDi ta dzi na mi tra dang / dA na shI la dang / bandhe ye shes sde'i 'gyur/ 'di phyag rdor dbang bskur ba'i rgyud nas yum du bshad do/ /bzhi pa rigs kyi khro bo khro mo rdo rje phra mo thogs pa med pa zhes bya ba'i gzungs/ 'di'i sngags rnam 'joms kyi snying po dang gcig go /khro bo bdud rtsi 'khyil pa sgom pa rnam par bshad pas rigs kyi khro bo yin no/ /lag na rdo rje bcu'i snying po/ paNDi ta dzi na mi tra dang / dA na shI la dang / bandhe ye shes sde'i 'gyur/ 'di phyag rdor rigs dang / khro bo yin rgyu med kyang / lag na rdo rje'i ming mthun pa tsam mo/ /rdo rje thabs sbyor gyi snying po bzhi pa zhes bya ba/ 'di'ang gzhan zhig nas phyung bar snang ngo // ! /lnga pa rigs kyi pho nya dang / bka' nyan pho mo la/ khro bo'i rgyal po rme rtsegs la bstod pa sngags dang bcas pa/ 'di rgyud yin min brtag go /'phags pa stobs po che zhes bya ba theg pa chen po'i mdo/ rdo rje lu gu rgyud kyi rtog pa le'u bzhi pa/ mar pa chos dbang gis bsgyur ba'i brgyud pa ni/ sangs rgyas/ phyag rdor/ spyod mdzad chos kyi rje/ 'gro bzangs snying po/ ma Ni badzra/ kha che te dza badzra/ zangs dkar lo tsA/ gnyan tshul dang / mgo ston khri rgyal/ bka' bcu pa spru ston/ mkhan chen shes rdor ba nas gong bzhin no/ /rdo rje mchu zhes bya ba klu'i dam tshig rdo rje gnam lcags mchu zhes bya ba'i gzungs/ 'phags pa lcags mchu nag po zhes bya ba'i gzungs rnams so/ /bzhi pa/ nor can gyi rigs kyi brgyud pa/ nor bu bzang po'i