[A:197]gzungs/ chos thams cad kyi yon tan bkod pa zhes bya ba'i gzungs/
'di'i lung ma thob
/ rgya gar gyi mkhan po pra dznyA warmma dang / su rendra boddhi dang / zhu chen gyi lo tsA ba bandhe ye shes sde la sogs pas zhus cing gtan la phab pa'o/ /sgrol ma mchog gi gzungs zhes bya ba/ 'phags pa gzungs chen mo/ paNDi ta dzi na mi tra dang / dA na shI la dang / bandhe ye shes sdes bsgyur cing zhus te gtan la phab pa'o/ /shes rab kyi pha rol tu phyin pa yi ge nyung ngu / 'di yum gyi rigs su byas na'ang rigs mod kyi/ gzungs spyi'i cho ga kun snang gsal ba las thub pa'i gzungs su bshad cing / mdo'i nang nas thub pa'i snying po ston pa yin pas thub par yang mi 'gal lo/ /sher phyin gyi snying po zhes bya ba theg pa chen po'i mdo/ paNDi ta bi ma la mi tra dang / lo tsA ba sgro rin chen sde'i 'gyur/ 'di yang yum gyi skor du byas shing rigs mod kyi/ slob dpon klu sgrub kyi thub pa gtso 'khor lnga'i sgrub thabs mdzad pas de la brten nas thub par mdzad do/ /sangs rgyas 'khor dang bcas pa'i mtshan brgya rtsa brgyad pa gzungs sngags dang bcas pa la/ sangs rgyas bcom ldan 'das kyi mtshan brgya rtsa brgyad pa gzungs sngags dang bcas pa 'di/ gzhan gyi mi thub pa zhes bya ba'i de bzhin gshegs pa'i rigs kyi gzungs chen po gcig yod par bshad/ de nas phyung ba yin pa 'dra'o/ /'di nyid nas/ gzhan gyis mi thub gzungs gsan nas/ /zhes gsungs pa'i phyir ro/ /shAkya thub pa'i snying po'i gzungs/ 'phags pa rnam par snang mdzad chen po zhes bya ba'i gzungs/ snang ba mtha' yas rjes su dran pa'i gzungs/
'di zlos sam brtag
zla 'od kyi mtshan rjes su dran pa'i gzungs/ de bzhin gshegs pa spyi'i snying po rjes su dran pa'i gzungs/ sangs rgyas rin chen gtsug tor can gyi mtshan rjes su dran pa'i gzungs/ mchod pa'i sprin gyi gzungs/ 'phags pa pad ma can zhes bya ba'i