[A:193]gshegs pa thams cad kyi khro bo'i rgyal po ni mi g.yo ba'i stobs dpag tu med pa brtul phod pa 'dul bar gsungs pa zhes bya ba'i rgyud kyi rgyal po/ paNDi u pa sha ma rakShi ta dang / lo tsA ba glan dar ma blo gros kyi 'gyur 'di la dkyil 'khor gsum tsam yod cing / rnam snang mngon byang dang cha mthun par yod pas spyod pa'i rgyud do/ /pad ma'i rigs kyi rgyud ni ma rnyed do/ /gsum pa/ rdo rje'i rigs kyi rgyud la/ phyag na rdo rje dbang bskur ba'i rgyud dum bu gsum pa 'og min du gsungs pa dang / grong khyer dpal yon 'byung ba'i gnas su gsungs pa gnyis/ bam po bcu gnyis pa/ paNDi ta shrI lendra boddhi dang / lo tsA ba ye shes sde'i 'gyur/ 'di la dkyil 'khor bzhi yod cing / da dung cung ma rdzogs pa 'dra'o// ! //ja pa la/ lha mo brgyad kyi gzungs/ 'di la dkyil 'khor gnyis yod cing / phyag na rdo rje dbang bskur ba'i skabs nas phyung pa 'dra'o/ /phyag na rdo rje gos sngon po can le'u bcu gsum pa/ paNDi ta tsi lu dang / lo tsA ba zangs dkar ba 'phags pa shes rab kyi 'gyur/ 'di la dkyil 'khor gcig yod do/ /brgyud pa ni/ sangs rgyas/ phyag rdor/ Ao tsArYa dmar po/ sog tshul khrims bla ma/ ye shes 'bar/ zhang chos grags/ jo btsun sangs rgyas/ rig sngags rdo rje/ chos sgong pa skye med/ chos rgyal/ gzi brjid rgyal mtshan/ mtha' dong pa/ zhang blo rin/ bsod seng / gar thig pa/ bka' bcu pa/ spru ston/ mkhan chen shes rdor man gong bzhin no/ /rdo rje sa 'og gi rgyud le'u bdun pa ni/ paNDi ta dI paM kA ra dang / lo tsA ba bya'i gdong can gyis 'gyur/ 'di la dkyil 'khor gcig yod do/ /brgyud pa ni/ rdo rje 'chang / phyag na rdo rje/ spyod mdzad chos kyi rdo rje/ kun tu bzang po/ 'gro bzangs snying po/ rin chen rdo rje/ bram ze saddza