[A:188]dgu pa/ paNDi ta ra hU la shrI bha dra dang / shongs blo brtan gyis bsgyur ba/ 'di la dkyil 'khor bcu yod do/ /brgyud pa ni/ sangs rgyas/ manydzu shrIH ratna shrI/ shAkya shrIH bhu mi shrIH 'gro mgon 'phags pa/ chag lo/ lo tsA ba grags rgyal/ lo mchog blo chen/ gar thig pa/ mkhan chen shes rdor nas gong bzhin no/ /gsum pa/ rin po che'i rigs kyi rgyud ni ma rnyed do/ /bzhi pa/ pad ma'i rigs kyi brgyud ni/ bcom ldan 'das ral pa gcig pa'i brtag pa rgyud kyi rgyal po/ paNDi ta ra hU la shrI dang khro phu lo tsA ba'i 'gyur/ 'di la rgyud nas dkyil 'khor gcig gsal/ mi pham sbas pa'i bshes gnyen gyis gnyis su bkral lo/ ! /lnga pa las kyi rigs kyi rgyud ni ma rnyed do/ /drug pa rdo rje 'chang gi rigs kyi rgyud la/ zla gsang thig le gsang ba'i rgyud kyi rgyal po chen po shin tu dgyes pa rdo rje gdon mi za ba'i dam tshig dkyil 'khor chen po rgyas pa mchog tu gsang ba'i rgyud/ lo tsA ba rin chen bzang po'i 'gyur/ 'di la dkyil 'khor lnga yod do/ /brgyud pa sangs rgyas mnyam sbyor dang 'dra'o/ ! /gnyis pa rnal 'byor rgyud la thabs gtso bor ston pa dang / shes rab gtso bor ston pa'i rgyud gnyis kyi dang po la/ rtsa ba'i rgyud/ bshad pa'i rgyud/ 'phros pa'i cha mthun pa'i rgyud dang gsum gyi dang po ni/ de bzhin gshegs pa thams cad kyi de kho na nyid bsdus pa zhes bya ba/ rigs lnga rigs bzhir bsdus nas mnyam par ston pa/ rtsa ba'i rgyud dum bu bzhi/ rgyud phyi ma/ phyi ma'i phyi ma/ rgyud nye bar bsdus pa dang bcas pa 'di la dkyil 'khor nyis brgya dang bcu gsum yod do/ /brgyud pa ni/ sangs rgyas/ phyag rdor/ rab gsal zla ba/ sgra gcan 'dzin/ swa sti pha la/ ye shes rdo rje/ pra dznyA siddhi/ kun dga' snying po/ pra dznyA wa li ta pa/ rab