[A:177]dang / lo tsA ba 'brog mi shAkya ye shes kyis bsgyur ba/ 'di la dkyil 'khor drug yod do/ /gnyis pa/ de'i thun mong ma yin pa'i bshad rgyud/ mkha' 'gro ma rdo rje gur zhes bya ba le'u bco lnga pa 'gyur byang snga ma dang 'dra'o/ /'di la dngos su dkyil 'khor bcu gtso bo 'pho ba'i dbye bas drug cu rtsa gnyis su 'gyur ro/ /rtsa bshad 'di gnyis/ pha chos kyi rje las thob pa'o/ /de gnyis kyi brgyud pa ni/ rdo rje 'chang / bdag med ma/ birWa pa/ DoM bhi ba/ a la la badzra/ nags khrod pa/ garbha ri pa/ bsod snyoms pa rgyal ba dpal gyi ye shes/ mi thub zla ba/ dge slong dpa' bo rdo rje/ 'brog mi shAkya ye shes/ 'khon dkon mchog rgyal po/ sa chen kun snying / slob dpon bsod nams rtse mo/ rje btsun grags pa rgyal mtshan/ chos rje sa paN/ 'phags pa rin po che/ zhang mdo dpal/ 'jam skya/ bla ma dpal ldan seng ge bla ma bsod rgyal/ mkhan chen shes rdor ba nas gong bzhin no/ /gsum pa/ rgyud phyi ma phyag rgya chen po thig le zhes bya ba/ rnal 'byor ma'i rgyud kyi rgyal po chen po le'u nyi shu rtsa brgyad pa/ paNDi ta shes rab gsang ba dang / lo tsA ba skam chos kyi ye shes dang / phyugs 'tshams dgra bcom gyis bsgyur ba/ 'di la dkyil 'khor gcig ston no/ /bzhi pa de'i rgyud phyi ma'i phyi ma ye shes snying po rnal 'byor ma'i rgyud kyi rgyal po chen po le'u bzhi pa/ dpal shes rab gsang ba'i rang 'gyur ro/ /'dis dkyil 'khor gcig ston no/ /lnga pa bshad pa'i rgyud dpal ye shes thig le'i rnal 'byor ma'i rgyud kyi rgyal po le'u sum cu pa/ dpal shes rab gsang ba'i rang 'gyur ro/ /'dis dkyil 'khor lnga ston no/ /drug pa snying po'i rgyud grub pa nges bstan ni ma rnyed do/ /bdun pa 'bras bu'i rgyud/ dpal de kho na nyid kyi sgron ma/ dpal shes rab gsang ba'i rang