[A:10]mdzad pa/
DoM bhi he ru ka'i lam lhan cig skyes grub kyi brgyud pa ni/ badzra dha ra sya/ DA ki Ni/ DoM bhi ba/ a la la badzra/ ba na si pa/ garbha ri pa/ shrI pendha pa/ surYa tsaNDa/ bi ra badzra/ rje 'brog rje se/ rje zhang / rje sa skya pa man chad lam 'bras dang 'dra ba ni lhan cig skyes grub kyi rgyud pa'o/ /yang / de ltar rnal 'byor dbang phyug gis kyai rdor rgyud gsum/ gdan bzhi/ mA yA sogs la rten nas/ rdo rje bdag med ma'i gsung bzhin lam 'bras bu dang bcas pa'i gdams ngag mdzad pa/ bla chen gyis shar phyogs nags su dge slong dpa' bo rdo rje dang / bod du gA ya dha ra las padma ba'i lam/ mchod rten drung thob/ gtum mo lam rdzogs/ yon po srang ba/ bsam mi khyab dang bcas pa gsan/ yi ge med pa'i gdams ngag a mo gha badzra la bod du dang / intra bhU ti'i lam dang / lhan cig skyes grub gnyis/ paNDi ta dang shes rab gsang ba las bod du gsan nas mdzad pa po brgyad kyis mdzad pa'i chos tshan dgu la lam bskor dgur grags pa rnams thob bo/
/yang / snyigs dus kyi 'gro ba mtha' dag gi 'dren mchog rje btsun sa skya pa yab sras lnga'i gsung 'bum yongs su rdzogs pa'i lung rnams ma tshang ba med par zhus pa ni/ yab sras lnga po las/ chos rje 'phags pas rin chen sgang bla brang du gsungs pa'i tshe/ yab sras gong ma bzhi dang / khong rang gi bka' 'bum phyed yan rdzogs pa la dus 'khrugs kyi lhag ma rnams chu mig du gsungs pas de dus thob pa la tshang mar yod cing / de dus dkon gnyer dpon la dga' ldan pa kun bsod dang / gzhan gnyan phu ba kun rdor/ sa skya nas 'jam skya/ tshogs bsgom/ zhang ston sogs bcu tsam yod pas/ de rnams las 'phros pa rnams la lung rnams tshang mar yod ces gsung ngo / /de