[A:153]@/ /mtshungs med chos kyi rje/ rdo rje slob dpon rin po che ye shes rgya mtsho'i drung du bka' lung thob yig
dpal ldan mchog gi dang po'i rdo rje sems/ /'gro ba 'di yi rdo rje slob dpon phyir/ /ngur smrig 'dzin pa'i tshul bzung chos kyi rje/ /rgya mtsho'i mtha' can bla ma'i zhabs la 'dud/ /gang gi thugs ni snying rje'i stobs ldan rnam dag mkhyen pas chos kun gzigs/ /rgyal ba'i chos gter gsang ba'i mdzod 'dzin gzhan gyi don la dga' mgur spyod/ /srid bzhi'i dpal gyur phrin las lhun grub ma rungs bdud kyi yul las 'das/ /rgyal ba'i ye shes rgya mtshor myur 'jug mtshungs med bla ma la phyag 'tshal/ /thugs brtse gser gyi sa gzhi rab brtan zhing / /ye shes zab mo'i gting mtha' dpag dka' bar/ /yon tan nor bu'i gter gyi rab gang ba/ /bla ma rgya mtsho'i dpal gyi bdag skyongs shig /ces bsngags par 'os pa dag la mchod par brjod de/ dus gsum sangs rgyas thams cad kyi ngo bo/ snyigs dus kyi thub pa rdo rje 'chang gnyis pa/ don gyi
lnga bcu pa las/ de nas mtshan smos brjod nas ni ming mthar zhal snga ldan par bya ces so
// slad du mtshan nas smos te/ chos kyi rje mtshungs med ye shes rgya mtsho'i zhal snga nas/ bdag cag la thugs brtse bas nye bar dgongs te/ smin grol gyi lam rgya chen po bkod pa'i rim pa ni/ bcom ldan 'das dpal 'khor lo sdom pa lha drug cu rtsa bzhi/ grub chen lU hi pa'i lugs/ chos rje bu ston gyi mdzad pa'i mngon dkyil gyis stengs nas dbang bzhi yongs su rdzogs par bskur ba thob pa'i brgyud pa ni/ rdo rje 'chang / phyag na rdo rje/ sa ra ha/ klu sgrub/ sha ba ri pa/ lU hi pa/ dA ri ka pa/ rdo rje