[A:༡༧༧ན]ཡོངས་སུ་རྫོགས་པའི་སྟེང་དུ་བྱང་སེམས་དང་གསང་སྔགས་ཏེ་སྡོམ་གསུམ་རྫོགས་པའི་ཚུལ་ཁྲིམས་ཀྱི་ཕུང་པོ་འཆལ་ཚུལ་གྱི་དྲི་མ་མཐའ་དག་དང་བྲལ་བས་འཛམ་གླིང་བྱང་གི་ཕྱོགས་ན་ཚུལ་ཁྲིམས་བསྲུང་བ་མཐའ་དག་གི་མཆོག་ཏུ་གྱུར་ཏོ། །དེ་ལྟར་རང་གི་མཁྱེན་པ་ཡོངས་སུ་རྫོགས་ནས་གཞན་ལ་སྟོན་པ་ནི། མཁས་པའི་བྱ་བ་འཆད་རྩོད་རྩོམ་གསུམ་གྱི་སྒོ་ནས་ཡིན་པས། འཆད་པ་ནི་རྣམ་བཤད་རིག་པ་སོགས་ནས་ཇི་ལྟར་འབྱུང་བའི་ཚུལ་གྱི་ཡོན་ཏན་མཐའ་དག་རྫོགས་ནས་གསུང་རབ་གང་འཆད་ཀྱང་གང་ནས་བཤད་ཀྱང་འབྲེལ། ཇི་ཙམ་བཤད་ཀྱང་རན། ཇི་ལྟར་བཤད་ཀྱང་འཐད་པའི་ཚུལ་གྱིས་རྣ་བར་སྙན་ཅིང་འཇེབས་པ་དང་། ཡིད་ལ་འཐད་ཅིང་འཕྲོད། ཚིག་གཟུང་སླ་ཞིང་དོན་རྟོགས་པར་ཡང་སླ་བས་དངོས་ཀྱི་གདུལ་བྱ་ཐམས་ཅད་མཁས་པའི་གོ་འཕང་ལ་མྱུར་དུ་བཀོད་དེ། བཤད་པའི་བཀའ་བབ་པ་འུ་