[A:༡༥༨བ]འཁྲུངས་པ་ནི། རྣལ་འབྱོར་དབང་ཕྱུག་བིརྺ་པའི་རྣམ་འཕྲུལ་ས་ཆེན་ཀུན་དགའ་སྙིང་པོ་ཡིན་ནོ། །འདི་ཅུང་ཟད་མངོན་དུ་གྱུར་པ་ན་བླ་མ་ལ་ཞུས་པས། དེ་ཡོངས་སུ་རེ་ནས་ཐབས་བྱས་པ་ཡིན། ད་ང་རང་གིས་བསྐྱངས་ནས་མཐར་ཕྱིན་པར་བྱེད་པས། ཁའུ་སྐྱེད་ལྷས་ཀྱི་སྒྲུབ་ཁང་དང་ཉེ་བའི་དབེན་སར་ཁང་ཆུང་བཟོས་གསུངས། དེར་གསང་སྟབས་སུ་བཞུགས་པས་ཆུ་ཕོ་སྤྲེའུ་ལ་འཁྲུངས། འཁྲུངས་ནས་ཀྱང་རྡོ་རྗེ་ཕྱུག་མོ་ལ་གསང་བ་ཁོང་གིས་ཚོར་ནས། ཁྱེད་ཀྱི་གདུང་བརྒྱུད་འདི་ཆད་དུ་ཕངས་པ་ཡིན། ཞང་མོ་ལ་སྲས་ཡོད་འདུག་པ་ལེགས། ང་ལ་གསང་མི་འཚལ། ད་ང་ལ་ནོར་གཞིས་མི་དགོས་པ་ཡིན་ཟེར་ནས་ས་སྐྱའི་མཆོད་ཞིང་ཆེན་མོ་མ་གཏོགས་པ་ཞིང་དང་ནོར་རྫས་ཐམས་ཅད་ཞང་མོ་ལ་གཏད་དོ། །དེ་ནས་དགུང་ལོ་བཅུ་གཅིག་གི་བར་ལ་ཡབ་ཀྱིས་ལེགས་པར་བསྐྱངས་ཏེ། དབང་བཤད་མན་ངག་ཕལ་མོ་ཆེ་གནང་། བཅུ་གཅིག་པ་ལ་ཡབ་གཤེགས། ཞལ་ཆེམས་ལ་དགོན་པ་འདི་ཀླུ་རྒྱལ་