[A:98a]kyi las so zhes gsungs te/ paNDYi ta'i bya ba bskyur nas gangs ti se la sgom du byon/ de nas sku ma spangs par mkha' spyod du byon no/ /de'i slob ma dA byang chung sems dpa' sogs so/ /shAkya bshes gnyen ni/ slob dpon shAkya 'od kyi slob ma gzhi bye brag tu smra ba'i 'dul ba 'dzin pa gzhung lugs kun la mkhas pa'i grags pa can des kyang dza'i slob ma bzhi la sogs pa la gtugs te rgyud kyi rnam bshad la sogs pa mdzad/ 'di'i lugs kha cher dar ro// // ! nub phyogs u rgyan/ lho dbus za hor du byung ba'i tshul las 'phros nas/ bod du grags pa gsang sngags rnying ma'i lo rgyus la/ bka' gter gnyis su grags la/ dang po ni/ rgyal ba dgongs pa'i brgyud pa/ rig 'dzin brda'i brgyud pa/ gang zag snyan khungs brgyud pa gsum/ dang po ni ston pa chos skus sprul sku dang / sa la gnas pa'i sems dpa'i ngor longs sku'i tshul bstan/ rang gi ngo bo'i sgo nas bshad/ de nas longs sku me tog padma'i steng du rang byung rdo rje sems dpa' sprul pa'i skur byon nas lha gnas gsum du 'khor rnam pa bzhi la gdams pa rin po che rnam pa gsum bshad/ des 'khor rnams kyi spros pa bcad do/ /gnyis pa ni/ rdo rje sems dpa'i zhal lan gsum du gzigs pa/ gsung lan gsum du gsan pa/ thugs lan gsum du mkhyen pa rig 'dzin gyi gtso bo dga' rab rdo rjes/ rgya nag bkra shis khrigs sgor 'jam dpal bshes gnyen la bshad/ des rgya nag zho sha'i gling du 'khrungs pa shrI singha la bshad/ des sing ba la'i nags su dngos grub brnyes/ des dur khrod bsil ba'i tshal du rgya gar nub phyogs su 'khrungs pa bi ma la mi tra dang / rgya nag bkra shis khrigs sgor dznyyA na su tra la gdams/ phyi ma la'ang bi ma las gsan no/ /de rdzogs pa chen po mthar thug gi chos kyi brgyud pa'o/ /'jam dpal bshes gnyen/ sangs rgyas gsang ba/ des bi ma la ste sgyu 'phrul gyi brgyud pa/ 'jam dpal bshes gnyen/ shrI singha/ shAntiM garbha/ des rgya gar gyi rgyal po kun skyong dang / bal po ba su dha ra gnyis la ste gshin rje'i/ gshin rje mkhan po rnams na re/ slob dpon 'jam dpal bshes gnyen gyis 'jam dpal gyi tantra 'bum sde dpe la