[A:59a]'phel lo zhes grags so/ /de'i slob ma sangs rgyas ye shes zhabs/ de'i slob ma gu Na mi tra la sogs pa'o/ /shes rab kyi pha rol du phyin pa shin tu dar bar gyur to/ /de ltar brjod pa ni bod kyi 'chad nyan yod pa'i lo rgyus rnams dang bstun pa tsam ste/ gzhan rang dang gzhan gyi grub pa'i mtha' rgya mtsho'i pha rol tu son pa sangs rgyas kyi bstan pa legs par skyong ba bsam gyis mi khyab pa zhig byon kyang / dang por shing rta chen po gnyis po gang yang rung ba'i phyogs la ma brten pa ni srid pa tsam ste/ phyis nas ni rang rang gi yi dam gyi lha'i zhal gzigs nas/ de ka las brgyud chog pa'ang byung bas/ lung gang gi brgyud pa la de gnyis bzhugs pa dang ma bzhugs pa ci rigs so/ /de yang zla ba'i snying pos zhus pa'i mdo las/ dngos su lnga brgya phrag bzhi'i gsum pa'i dus su sems can 'dren pa dang thar par byed pa'i slob dpon ni mang du 'byung bar lung bstan pa yin la/ der bstan pa 'jig par gsungs pa sngar byung ba skad zer ba mi 'thad/ shes rab kyi pha rol tu phyin pa yul yongs su spyod pa bstan par/ thog mar yul dbus nas lho/ de nas byang / byang nas byang gi phyogs su dar la/ /slar dbus su 'ongs te dar bar gsungs pa de'i mtha' la 'ong rgyu yin zhes grags so// // ! li'i yul du bstan pa ji ltar byung ba ni/ yul de ston pa bzhugs pa'i dus su mtshor 'khyil ba shA ri'i bus gseg shang gis brtol ba go ma sa la ganda zhes pa sangs rgyas bzhi'i mchod rten zhabs rjes dang / sangs rgyas bzhis sku'i rgyur byin gyis brlabs pa'i li'i ri bzhugs pa la ston pa mya ngan las 'das nas lo brgya phrag gnyis tsam na rgya'i rgyal po la bu dgu bcu rtsa dgu yod pa las/ da dung bu 'dod nas rnam thos sras la bslangs pas/ chos rgyal mya ngan med pa'i tsha bo skyes ma thag pa gcig rnam sras kyis khyer te byin pa ltogs nas kha sa la gtad pas de las nu ma byung / de las 'o ma 'thung ste sa la nu zhes grags pa cher skyes pa dang / rgya rjes dpung dang bcas chu bo si ta'i 'bab sa li yul du brdzangs pa ltar da lta hor sog gi yul rnams yin/ de bdag byas yul dbus nas dge 'dun spyan drangs te rgyal rabs mang po'i bar du bstan pa dar ro// // ! rgya nag tu bstan pa ji ltar dar ba ni/ rgya yul du kro'u rigs kyi rgyal po bzhi pa kro' ུwang zhes bya ba/ rgyal sa bzung nas lo nyi shu lhag tsam na/ sa phyogs