[A:55a]te bzhag go /nga'i rigs pa 'di gzhan gyis ma nor ba mi shes pa 'dug dgongs te rnam 'grel gyi mjug tu blo gros shin tu lhag par sogs kyi tshigs bcad bcug par grags so/ /de'i slob ma lha dbang blo/ de'i slob ma shAkya blo/ de'i slob ma 'od kyi blo'am rgyal dbang blo'o/ /dza mA ri chos grags kyi dngos slob rgyan gyi spur la lung blangs/ de'i slob ma dul lha/ de'i slob ma chos mchog zer ba ni nor ba chen po ste/ dul ba'i lha sngar byung zhing rgyan phyis byon pa ste/ gang las shes na dul lhas mdzad pa'i rigs thig gi 'grel pa bstan pa snga dar gyi dus su dpal brtsegs kyis bsgyur ba mngon sum du snang zhing / rgyan gyi mtshan dngos shes rab 'byung gnas sbas pa ste/ bod kyi bstan pa phyi dar gyi dus kyi thog ma tsam na bi kra ma la shI la'i sgo skyong du bzhugs pa'o/ /des na rgyan gyi dngos slob kha che nyi ma sbas pa/ de'i dngos slob dza mA ri'am ya mA ri ste/ rgyan gyi 'grel pa la nyi ma sbas pa/ de la dza mA ri'i 'grel pa dngos snang ba'i phyir ro/ /bram ze sham gar nanda chos grags rang gi slob ma'o zer/ chos 'byung byin dang / dge srung gi slob ma chos mchog go /chos 'byung byin rgyan gyi slob mar 'thad do/ /slob dpon dbyig gnyen gyi slob ma 'dul ba rang la mkhas pa yon tan 'od ni yul dbus rigs bram ze/ 'ga' zhig nyer sbas/ 'ga' zhig legs mthong la gtugs zer te dus mi 'grig legs mthong gis phyir mi 'ong la/ des blos mi 'bebs/ de la gtugs par stod 'dul ba 'chad pa legs shing / lhag par btsun pa dbyig gnyen la brten nas bdag dang gzhan gyi grub pa'i mtha' rgya mtsho'i pha rol tu son pa/ bde bar gshegs pa'i chos 'dul ba bdud rtsi'i nying khus shes rab kyi dbang po rgyas pa/ de bzhin gshegs pa'i bka' dam pa nan tan snying por sgrub pa 'phags pa gzhi thams cad yod par smra ba rnams kyi 'dul ba 'dzin pa thams cad kyi gtsug gi nor bu/ yul dbus kyi rgyal po shI har zhes pas paNDYi ta thams cad kyi mchog tu shes nas/ bla'i mchod gnas su bsten pa des 'dul ba mdo rtsa dang las brgya rtsa gcig pa mdzad/ dgung lo bzhi brgya'i bar du bzhugs te ston pa'i bstan pa bskyangs/ shAkya 'od ni 'od ldan las/ bdag gi mkhan po ma ga dhar gnas rgyan du gyur pa grags thob pa/ /bsod nams grags pa las ni bdag gis mnyan nas rang gi 'dul ba'i cho ga yi/ /rnam par bshad 'di gsum