[A:42a]pa byed pa zhig gi 'thab zla mdzad btul lo/ /yul ma ga dha'i nub phyogs ha cang mi ring pa na ya mtshan can gyi lta ba 'dzin pa lnga brgya yod pa'i 'khor du bsdad pa dang / re zhig yul ngan chen po byung nas bza' btung chad de nyon mongs par gyur nas su slong nus pa slob dpon du bkod ci bsgo ba nyan par byas pa dang / slob dpon gyis 'bras chan lhung bzed gang blangs te byin gyis brlabs pas thams cad tshim par mdzad nas ya mtshan can gyi lta ba las bzlog ste thub pa'i bstan pa la btsud do/ /sprang po stong zhig bru ba tsha bas nyen te shi la khad pa na slob dpon gyis 'tsho ba sbyar zhing chos bstan te bde ba la bkod/ shar phyogs a ri bi sha na'i rgyal po la ma la tsa'i gnod pa bya ba 'tsho ba ma phyid pa kha cig rgyal po la 'khril nas nor sbyin dgos/ mi byin na rgyal po gsod du yong bas de'i sku srung mdzad/ slob dpon la rje btsun gyi phyag rgyar bcangs pa'i shing gi ral gri zhig las med pa grogs kyis mthong ste/ rgyal po la mi 'di sgyu can zhig ste lag cha la gzigs shig ces gsol bas/ rgyal po khros te/ khyod kyis ral gri phyungs shig ces smras pas lha nyid la gnod par 'gyur ro/ /gnod kyang sla'i nges par phyungs shig zer/ 'o na lhas spyan ya gcig bkab ste gcig gis gzigs shig ces gsol bas/ de ltar byas te ral gri phyung pas de'i 'od zer ma bzod de mig gcig zhar ba dang / bzod par gsol skyabs su song ste chos la btsud do/ /de nas dpal gyi ri'i lho phyogs su byon te u tsuShma'i spyod pa zhes bya ba sprang po'i cha byad gcer bu 'khrud ma pho ba'i rtsigs mas 'tsho bar byed pa dag gi nang du zhugs so/ /kha ri bi ha ra'i rgyal po'i bran mo ka tsa la has 'khrud ma pho ba'i chu 'thor ba slob dpon la phog pas khol ba mthong / de'i tshe mu stegs kyi ston pa shang ka ra de wa zhes bya bas/ gnangs nam mkha' la dbang phyug chen po'i dkyil 'khor 'dri bas/ de bshig ma nus na chos lha rten bsregs nas dge bdun rnams phyi rol pa'i sgor 'jug dgos zhes rgyal po la gsol ba dang / rgyal pos dge 'dun 'dus te bsnyad pas bshig par khas len pa ma byung / rgyal po mya ngan du gyur pa na bran mos sngar mthong ba de bshad pas tshol cig gsung / phyogs kun tu btsal bas ljon shing zhig gi drung nas rnyed de/ don de zhus pas ngas nus kyi chu bum pa gang / ras yug gnyis/ mi rnams sta gon gyis shig gsungs nas de ltar byas so/ /sang dgongs ka thig gdab ste song /