[A:291a]bskyangs/ gling gis lung bstan ra lung btab/ dgung lo lnga bcu rtsa gcig pa la 'brug tu gshegs/ spur zhugs la sbyangs pa'i dus/ thugs ljags spyan gsum/ dbu thod la rigs gsum mgon po/ sku tshigs pa nyi shu rtsa gcig la spyan ras gzigs nyi shu rtsa gcig gzhan ring bsrel yang mang du byon/ 'brug tu lha mo che bzhengs de'i nang du ljags bzhugs pas chos brgyud thams cad la 'brug pa zer ba 'di byung ba yin no// de la slob ma dang por che ba spa rkyang gnyis/ bar du che ba rgya 'bras gnyis/ mtha' mar che ba lo rgod gnyis/ gzhan ras pa gsum/ rnal 'byor gsum/ zhig po gsum sogs dbu che gdugs thog pa nyis stong brgyad brgya byung ba'i spa ri ba/ bla ma zhang gi mchod gshoms pa/ mtshan ye shes mgon po zer/ zhang gi chos rje la chos skyong gi dbang gnang ba'i dus/ 'di nga'i zla la byung na dgongs/ khong yang bla ma 'di'i phyag phyi la 'gro rgyu byung na bsam pa zhang gis dgongs nas/ ye shes mgon po rang rgya ras pa'i phyi la rgyug gsung gnang ba sbyin pas chos skyong yang rgya ras pa'i phyi la 'brangs so zer grags so/ /sku yon che bas mkhyen pa'i mnga' bdag ces thogs/ tsa ris ras chen sogs kyis kyang chung ngu'i gsan sbyong der mdzad/ spa ri byang chub gling dgon btab/ chu bo ri la kha shar sogs mang du mched/ khong nas brgyud pa la bu rgan du grags/ rkyang mo kha pa bde ba can du sbyangs pa'i ston pa chen po zhig dang por chos rje la rgol 'dod kyis drung du 'ongs/ zhal mjal ba'i mod la rtogs pa shar/ rkyang mo kha btab/ brgya yags ba grwa pa yin/ chos rje la dbul ba mdzad pa'i dus slob ma gtos che ba yod pas btsun chung na mnyam brgya phul/ de la chos rjes yags so gsungs pas brgya yags par thogs/ der brgya yags/ 'brog dga' ldan la sogs btab/ 'bras mo pa ni nyid ro pa/ mtshan sangs rgyas 'bum/ chos rje'i gsung la 'dris pa/ nyams bzhes dge sbyor bdun pa la rtsal du bton/ slob ma mkhon sgom la sogs pa mang ngo / /de bzhi nas brgyud pa la bu chen brgyud zer/ ras pa gsum/ g.yag ras/ li ras/ 'gran ras/ g.yag ras kyi slob ma la stod pa bde mchog sangs rgyas/ de'i slob ma sprul sku shes yes/ de'i slob ma rdza ri ras pa/ de'i slob ma rdza sgo ba shes rab dpal/ de