[A:270a]gsung / gzhan yang bya yul pa sogs bsten/ bka' gdams la sogs pa gsan/ nyi shu rtsa lnga pa la zur phur bya 'dul gyis mkhan po/ rgya dmar bas slob dpon/ dmar gyis gsang ston mdzad de bsnyen par rdzogs/ mkhan slob la 'dul ba/ gsang ston la phar phyin/ myang bran la spyod 'jug sogs gsan/ mkhas pa chen por grags/ dmar chos rgyal ba la bde mchog sogs dang / dpal rga lo dang mjal mgon po la sogs pa'i skor/ 'jad brag ltag pa dang brdog mun ne la 'phags skor dang mngon pa/ de nas bur du bur sgom nag po la lo ro ras chung pa'i gdam ngag rnams gsan/ der zla ba brgyad bsgoms pas sku thams cad bde bas gang ba dang / zhabs la tsher ma zug pa'ang bde bar 'char ba byung / de nas sa skyar byon/ sa chen kun dga' snying po la rgyud sde mang po dang / khyad par lam 'bras sogs bum pa gang byo gsan chos dri ba la dgyes pas lan legs par gsol bas khams pa shes rab can zhes mnyes/ dpon slob lhan du rdo rje phug tu bsgoms pas rtsa rlung gi drod rtags legs par byung nas/ bla mas mthong lam gyi rtogs pa shar bar ngo sprad/ gzhan yang 'byim lo dang / byang sems zla ba rgyal mtshan bsten/ khong gi zhal nas zla ba mar ngo la mtshams bcad/ yar ngo la chos bshad dbang bskur dang byin rlabs byas na gzhan la phan che bar 'ong gsung / gzhan yang bla ma mang du bsten/ stod lung du sangs rgyas gnyal chung bya bas khams pa ston pa khyod kyi rjes su mkha' 'gro ma gser gyi rgyan can bzhi 'brang gi 'dug cing / ngam shod ri'i drung du 'gro ba mang po la phan thogs par 'ong zer lung bstan/ slar yang sa skya pa'i spyan sngar byon dogs pa bcad/ ma cig zha ma sogs bla ma bcu gsum tsam la gtugs/ lar gdams pa 'di che zer ba la ma gtugs pa med gsung / de dus zhang sum thog pas sa skya pa'i drung nas khrid de yar klungs su byon/ khong byas btsad po la sogs pa dang yon mchod zhig yong re ba la mthun 'jug ma mdzad pas bla ma zhang cung zad ma mnyes/ zhang la nyes pa med par skur pa chen po zhig byung bas/ zhang gis nga la ni nyes pa ye med/ 'di 'dra ba'i gtam ji ltar byas na zhi bar 'gyur dris byung bas/ dge ba'i bshes gnyen chen po zhig la brten na zhi bar 'gyur ram gsung / 'o na dge ba'i