[A:233a]dang / slob gnyer sbrags pas rngog chos la mkhas pa chen por gyur dus chos ma chag par gsungs/ bdag po drung chen pa'i bka' skyon byung bas zhur byon pa la/ rje tsong kha pa dang lam du mjal chos zhib tu drir byung ba la lan 'debs mdzad pas mkhyen rab che bas bsngags pa brjod/ de nyid kyi slob ma 'bras spungs chos rje bkra shis dpal ldan pa dang mkhan chen padma bzang po/ gtsang chung chos kyi grags pa la gtug bcug des 'ur langs/ stag lung ngag dbang grags pa/ ches sangs rgyas rgyal mtshan/ bdag po grags pa 'byung gnas/ byams gling pa chen po bsod nams rnam rgyal/ 'gos gzhon nu dpal/ khrus khang lo tsA ba sogs mang pos zhabs la btugs/ lhag par 'brug pa rgyal dbang chos rje/ zlum khyung pa dang sna ra ba sogs rtsa ba'i grwa pa bzang la mang ba thon/ phyag dpe brtag gnyis kyi gzhung rdo rje mar grags pa gcig la chos tshar re la mtshan ma re btab pa'i grangs brgya dang brgyad cu rtsa gnyis yod/ rang lo brgyad cu rtsa bdun pa la gshegs/ gdan sa dbon byang chub dpal grub pas bzung / mdo sde'ie sras rgyal tsha thogs med grags pa/ yab las sngags gzhung mkhas par bslabs/ yi ge'ang du ma mdzad/ bshad pa'i 'phrin las che/ de'i sras rgyal tsha ra mo dang rdo rje sengge/ dang po phya pa'i jo sras shig yin/ rdo rje sengge la gtsang pa rgya ras sogs kyis gtugs/ de lta bu chos sku rdo rje rjes 'brang dang bcas pas bshad pa mdzad pa las rgya shin tu che bar 'phel zhing brgyud pa snga phyi rnams kyis brtsams pa'i rgyud 'grel gyis kyang lung pa thams cad gang ngo / /mes ni myang stod stag tshal du 'khrungs/ rje mar pa la 'bul mo che lan gsum mdzad pas zhabs tog gis mnyes pa yin/ gnas gzhi ba tho btab/ brtag gnyis la Tikka mdzad/ dgyes bde gsang gsum ma yA thod pa rnams la bshad grwa btsugs/ sku khams bzang ba'i tshe zhag bdun bdun tsam mnal gcig la 'gro/ rong ngur smrig tu gshin po rjes su 'dzin pa la phebs pa zhig la khong chang gsol gyin gzims rang bzhugs/ dge bshes gzhan rnams cho ga mdzad pas yon bdag blo ma bde/ gzhan rnams kyis khrel bgad byas pa dang / yon bdag gis thugs dam mdzad par zhu yang yang byas pas/ kho re tsho