[A:231a]ba phab dus bya byi'i ro spungs pa dum zhig thugs dam la bzhugs te se khol gtogs pas gnam la di ri rir zhes 'phur song zhes grags la/ rgya gar gyi slob dpon nag po spyod pas kyang bsad pa nus te slar gso mi nus zhes smra na bsad gso nus pa'i rnal 'byor gyi dbang phyug chen po gang du byon pa'i mkha' spyod kyang 'og min zhes grags pas bcu pa rnams sangs rgyas byed pa der ro/ /de la slob ma rams/ spa/ rngog rgyang / sum pa/ lho pa sogs mang / de las rams klu gong pa de gzhung lugs mtha' dag la sbyangs pa'i mkhas pa rgya gar gyi paNDYi ta 'bum phrag gsum pa'ang rtsod pas pham par byas/ des bla ma chos rdor la gtugs/ de dus gzhung mdar bla ma la sgugs gra byur sar khong gis bla ma yin pa skad byas de sngon la byon pas btson la shor/ bla ma la skyon ma byung bas shin tu mnyes/ chos gsung dus gzhan gyi 'dres byung na nga la rje mar pa'i gsung gtsang ma de zhus byas zhu phod byas chog des dgyes rdor la bshad pa shin tu gtsang / des dbon po ram rdo rje btsan sogs dang / mkhas pa rgya nam/ de'i slob ma tre bo mgon po ba/ de'i slob ma gnyan rdo rje sengge/ de'i slob ma snye mdo thams cad mkhyen pa/ de'i sras kun dga' don grub sogs de lugs 'dzin/ sras ni mdo sde/ las stod kyi spug ye rgyal gyi skye ba/ rngog ston dang spa mo chos brtson gnyis kyi sras mar pa mjal/ 'di dgung lo brgyad lon pa na rje mar pa gshegs/ bcu gsum la yab gshegs/ de dus yab la dbang rgyud man ngag gsan yang brgyud pa 'ded pa tsam las med pas/ yab gshegs gdong zhal chems la dgyes rdor ram/ ma hA ma yA spa la nyon sogs byung / man ngag ni chos rdor gyis brjed thor btab ste rmo mo zhig la bu 'di lo bco brgyad lon dus sprod gsungs pas/ dpe 'di la rngog pa'i bsre 'phor grags/ gsung bzhin ram can byon/ des dang dod ma byas pas ma mgu bar log rngog dang spa la gsan zer/ gzhan yang bla ma mang du bsten/ de dus kyi gsang sngags pa la mkhyen pa che bar grags/ dgung lo bdun cu rtsa bdun gyi bar du dbang dang rgyud gdams pa la 'chad nyan mdzad/ 'grel pa rin chen rgyan 'dra brtsams/ 'di la bla ma chos rdor