[A:229a]slob ma/ rtsa mi lo tsA/ mar do/ spu sreng lo chung sogs mang ngo / /jo mo gzhan brgyad de tshogs kyi 'khor lo bskor ba'i tshe dgyes rdor sprul pa'i lha dgur dngos su ston/ gtso mo'i sras su mdo sde 'khrungs/ dgung lo nyer gcig pa la rtas brdab pas dbu chag rgyud man ngag la sbyangs pa che/ grong 'jug nus pas bod du gdul bya med pas grong 'jug btub pa'i mi ro ma rnyed nas phug ron gyi ro la grong 'jug mdzad/ rgya gar shar phyogs su bram ze gzhon nu'i ro la grong 'jug gyis la 'phrin las mdzod bla ma gsungs pa las phyis thos pa'i lo rgyus med/ gzhan 'khor gyi bdag med ma bzhi tsam la sras drug sras mo gcig ste bdun yod zer/ sras mya ngan las 'das pa'i gong du rje btsun mi las gtugs nas lo bzhi tsam/ yi chad brgyad kyi sgo nas tshar bcad/ sras kyi che 'don mdzad pa'i dus nas rjes su bzung / che 'don nas lo gnyis tsam la sras gshegs/ de dus rje mar pa dgung lo don drug tsam mo/ /mi la la bde dgyes gsang 'dus/ gdan bzhi/ sangs rgyas thod pa/ mahA ma yA rnams kyi rgyud dbang sgrub thabs rim pa gnyis dang bcas pa snying po don gyi skor rnams mthar phyin pa gnang yang / sgrub rgyud kyi bka' babs pas brgyud 'dzin rgyas kyang bshad rgyun bde mchog las ma dar ro/ /rje mar pas rgya gar na gdan bzhi ka'i dpe nA ro pa min pa la med gsungs/ bla ma gro bo lung na chos gsung dus/ snga sde sgang na jo bo khyung pa bya ba 'gos kyi slob ma zhig gdan bzhi 'grel pa lugs 'chad pa la/ bla ma'i gsung nas nga cag dmag drang dgos gsungs/ de ci lags zhus pas/ rgya gar na gdan bzhi ka shes pa gzhan med par bod du gdan bzhi ka 'chad pa des gsungs/ de khong gis gsan nas khong gsung ba mad de mchi/ dka' ba mdzad pa yin gsungs 'phro bcad/ rje btsun gdan bzhi'i rgyud gsum 'chad pa na mkha' 'gro ma rnams thib se nyan pa la 'ong gsungs/ de lta bu'i rje btsun de rgyud man ngag gi rgya mtshor bzhugs pa la bod rnams kyi bsod nams la bum pa gang ba tsam zhig dar ba yin/ de nas rje mar pas grong 'jug kyang 'ga' re mdzad de bstan/ sku'i bkod pa'ang du mar snang / ting nge 'dzin gyi dkyil 'khor sprul nas mngon sum du ston/ sa thams cad rdzogs kyang sa bcu pa'i tshul 'dzin/ brgyad cu rtsa brgyad pa la yum bdag med ma 'od kyi gong bur