[A:228a]mi kho bo lam du zhugs nas mchi/ /dang / dus gzhes ning rgya gar 'gro ba'i tshe/ /longs spyod 'byor pas phongs dus su/ /rin chen gser gyis yol mo bkang / /dang / rgya gar yul du lan gsum phyin/ /lus srog la ma bltas dam chos btsal/ /zhes gsungs so/ /'byon thebs bar pa log nas rngog ston mgo yags la sogs pa rjes su bzung / phyi ma 'byon dus rje btsun mi la zhabs phyir 'byon pa skad dang / mar pa'i nyer dgu pa la mi la 'khrungs pa dang / phyi ma 'byon pa bzhi bcu rtsa gnyis pa la byed pa mar pa'i dgung lo so gcig pa la jo bo bod du 'byon pa rnams dus mi 'grig des na rje btsun rang gi mgur dang bstun na lnga bcu rtsa gcig pa la byon/ rtsa gnyis pa la rgya gar du bzhugs/ nga gsum pa la phyir 'khor/ de nas jo mo bdag med ma khab tu bzhes/ der gzhan gyi tha mal pa 'jig rten la zhen pa zhig tu rtog go /skal ldan rnams la skal ba ji lta ba'i lam ston par mdzad pa las rngog chos sku rdo rje la dgyes rdor/ gur/ mahA ma yA/ gdan bzhi rtsa bshad 'grel pa man ngag dang bcas pa gnang / rjes kyi brgyud pa bdun tshun rdo rje dril bu 'dzin shes pas chog kho bo rang gis byin gyis rlob pa yin gsung / mes tshon po la bde dgyes gsang gsum ma yA sangs rgyas thod pa man ngag dang bcas pa gnang / dol gyi mtshur ston dbang nge la gsang ba 'dus pa lugs gsum/ rtsa rgyud sgron gsal/ rgyud phyi rtsa 'grel/ bskyed rdzogs kyi man ngag dgyes rdor sogs gnang / 'di gsum la bshad rgyun mu tig star la rgyus pa lta bu'i bka' babs gzhan yang 'dam snying drung gi mar pa mgo yags/ dol pa gag ston/ gra'i me'u chung / chu god dpal le/ dge bshes khe gad/ mjal ba la snga ba klog skya/ gnyal gyi shud kyi lba ba can/ la yag pa ba rang lba ba can/ 'phrang gi rgya ston zhig po/ gtsang rong rgya mkhar gyi zhang ston no/ /khe gad ni lo tsA ba 'khor lo grags kyi yab/ rje btsun grongs nas rgyud rgyud 'grel gyi rgya dpe phal cher 'di'i lag tu byung / mar pa bya ze ba/ myang sgom sprang ltag lha rje se rings/ de dag rgyud dbang man ngag gis rjes su bzung ba khong rang tsho nas mi thog 'ga' zung gi bar du 'chad nyan gyi rgyun byung ba rkyang / zhang ston gyis mar mes gnyis ka la gtugs/ gzhan lho pa te sgom ni/ rje btsun gyi chibs kha ba sku lus 'di khas mkha' spyod byon pa/ chos 'brel ba tsam gyi